今趟旅行很少去郊區，所以出發前見到KKday有團的行程是我想要的，所以就購買了。
這個團是五人座車或九人座車，我一家三口，所以選了五人座車，不需要和人夾團，所以是包團，仲要係10小時，平時的只有8小時，價錢都唔貴。
KKday：10小時夠玩】新北野柳、陰陽海、十分老街、九份老街一日包車|台北出發
我9點鬆啲收到司機電話，原來是我攪左了時間以為有9:30，立即叫佢地起身，9:30前落到去上車。
今日九份、十分都落雨又凍又大風，但台北沒下雨。
第一站：野柳地質樂園
門票要自行購買
好大風，微微雨。
我找不到女皇頭，問職員經他指引下找到，但比起我二十多年前來的細好多，記得以前我可以行上去在她的凹位影相。
女王的書店是咖啡店，在公厠旁邊。
好快就行完，入去睇下手信先，小王子試食左後要買。
第二站：陰陽海/十三層遺址、黃金瀑布
陰陽海，由於落雨又大風，所以都影相都唔太清楚，但陰陽海的晝面已印在我心中。
十三層遺址遠望了，但落雨冇心機。
這裡景觀與日本鎌倉的風景相似，也被稱為小鐮倉，只是係陰陽海旁。
黃金瀑布
落雨唯有好處就係〝黃金瀑布〞膨拜，只有落雨才可睇到咁多水流。
九份老街超多人
見到就試下~又幾好味啵！
除了泡芙，仲有雪糕，但冇食。
米詩堤泡芙
營業時間：09:30–18:00
地址：台灣新北市瑞芳區基山街29號
泡芙又大又好味。
之前食過，但唔記得咩味，現在再食沒什麼特別，怪唔之得唔記得咩味喇！
阿珠雪在燒
營業時間：10:00–19:00
地址：台灣新北市瑞芳區基山街20號
我影低製作過程，檔主特意給我影相。
一見到花枝我地就會試，因為兩位老闆都喜歡，可以再encore，但老公話呢排食得太多唔再買。
花枝道
地址：台灣新北市瑞芳區基山街85號
我一個人等魷魚，兩位老闆就入去隔離玩彈珠機。
這裡是自己換代弊，每隻蛋都有小禮物。
後來小王子同我講佢想玩很久了，終於玩到，佢好開心。
來到就緊係試下〝礦工餅〞，沒有特別，一個酥餅。
艾妮礦工餅舖
營業時間：10:00–19:00
地址：台灣新北市瑞芳區基山街82-1號
阿妹茶樓
營業時間：10:00-22:00
地址：新北市瑞芳區市下巷20號
我地揀左間牛肉麵醫肚，估唔到好味。
年代客棧牛肉麵
營業時間：11:30–20:00
地址：台灣新北市瑞芳區豎崎路9號
頭先係野柳都想買，但都頂得住，來到九份雨越落越大，最後我和小王子每人一件，老公就用司機借比我地的傘。
小王子的應該是大人短身的，我的是大人長身，雨衣只是100元一件，亦有加大貴少少，不過，野柳的顏色比較多和靚。
沒有留言:
發佈留言