點解咁快又出走？因為個幾星期前收到點心同學仔What’s app，問我幾時又上去玩。
同學仔平時都有北上，但佢想我帶佢去商場以外或新的地方。
我應承左人就要行動嚕！首先寫個行程先，其實，帶人去玩寫行程有點惆悵，因為唔知人家喜好，又怕去的地方不是網介紹的那麼好，好在同學仔好隨和，什麼都行。
今日去的地方都不是新的，而是我地大家都未去過，就是〝深圳仙湖植物園〞，但去到又是與想像中有出入，沒有小紅書的咁靚，有點失望。
由於〝深圳仙湖植物園〞很大，上小紅書睇話要行好耐，所以去食個豐富啲既早餐先。
本想去〝深圳仙湖植物園〞附近吃，但找不到想食的，就搭多一個站去蓮塘站搵食。
佳瑜肠粉(总店)
營業時間：06:30-13:30、17:30-20:30
地址：畔山路39-3号
地鐵：莲塘站 (C 出口)
店內裝修簡約，餐牌一目了然，很清晰。
同學仔的早餐
廣式鴛鴦腸粉（傳統食法：花生油+醬油）¥13
廣式煎餃 （3個）¥10
我與同學仔都同意腸粉好食，好滑，油條都很脆，但豆漿就麻麻，味道唔似豆漿。
A3（6點半-10點半）營養雙蛋腸粉單人套餐 ¥12
營養雙蛋腸粉（1份）¥8
酥脆油條（1份）¥4.8
現磨豆漿（1份）¥4.8
食飽就起行去〝深圳仙湖植物園〞，這裡行就比仙湖路站遠多一半路程。
行行下有點不對勁就問途人，我地行過左，要由剛才的小巷行入去，巷入口有個停車場的欄，然後一直向上行，是斜路，上到頂就見到仙湖山莊的牌坊，行過去再轉右手邊就是〝深圳仙湖植物園〞。
小紅書話要預約，尋晚在微信小程序睇過要登記資料有點麻煩，所以都是到現場買就是，我估應該唔會約滿既。
我在現場人工售票¥15/人，如要現在購票，但用電子支付就一定要掃碼網上買了，人工只接受現金支付的。
深圳仙湖植物园
營業時間：08:00-18：00
地址：广东省深圳市罗湖区莲塘街道仙湖社区仙湖路160号
地鐵站：仙湖路站（C3 口出）
我地已計劃好坐園內穿梭巴士到最高，再慢慢行落來。
園內穿梭巴士收費¥10/人，就可以一日在園區搭乘100次。
一入閘就見到有巴士立即付款跳上車，尾站唔知係邊，見個個都落晒車，於是去問司機，佢又聽唔明白話，我地既普話又唔明，於是我就用Google翻譯。
司機話這是循環線，咁我地想去睇肉肉植物，司機話下站就是〝多肉園〞，仲話是最好玩的地方。
我和同學仔都唔覺得好玩，地方好似有點日久失修，植物好乾，水池沒有水，好荒蕪咁。
其中一個館仲有個人跟住你，仲叫我地唔好觸摸植物，唔係就唔會生長。
離開〝多肉園〞又跳上巴士，決定落返去先，然後再上車，終於有機會影低資訊。
我地決定去弘法寺、盆景園和十一孔橋，跟住就閃人。
弘法寺
頭先都見呢個站係最多人落車，我睇小紅書話呢到好靈驗的，但我就冇求任何野，只是參觀。
這裡壁晝好靚，同學仔話手和腳趾都齊，做工精細。
盆景園
同學仔坐係到等我影完再回去搵佢。
之前都有睇過盆景，但這裡的盆景少，而且不美。
行完剛好有巴士，又跳上車返落走人。
同學仔話坐巴士出返去，上左巴士去到蓮塘口岸落車，但望四周都唔見有地鐵站，於是開導航，要行十幾分鐘先到。
我第一次路經蓮塘口岸，所以留念一下。
午餐去〝N.A.D.O〞，但去到望到唔似營業，於是上大眾點評睇下，原來是暫停營業，後來上小紅書睇由於租約到期結業，搬左去梅林 a park。
大家都好肚餓，去左大眾點評和百度附近都冇野食，最後去左對面街的KFC。
同學仔想飲瑞幸的生椰拿鐵，我就出去買，行過3間店就是。
瑞幸咖啡(佳兆业中心店)
營業時間：0700-2200
地址：上步南路东南园路北佳兆业中心一层B105-2号
地鐵：科學館站 （F口）
最後一站就是〝Costco〞，因為我會藉出年一月到期，但唔會再續，所以盡量帶朋友去。
其實，我自己覺得不論call車入或離開Costco都好難，很少人接單，由其是離開果程，就算有人接都會彈單，所以勁唔鍾意入去。
現在地鐵紅山站A1出口有巴士〝H541A〞路¥2就去到Costco，超方便，上次去〝麥德龍+Costco〞有詳細啲點去搭巴士。
今晚只係試食左Tiramisu好滑，同學仔想買回去，但蛋糕太大，打消了念頭。
店內人流不多，唔知係熱情已過定係平日。
我買左3樣野，有兩樣是回購，另一個燒牛肉平平地買來試下。
Costco开市客 (深圳店)
營業時間：09:00-21:00
地址：新区大道与中环路交叉口西南200米（民达路68号）
地鐵站：红山站
原本我係由羅湖走，因小王小要羅湖口岸的燒肉，又要幫老公去羅湖商業城買丸，老公見我6點半先離開Costco，太夜了，別去羅湖由福田口岸走。
搭返巴士去紅山地鐵站，見唔洗去羅湖就與同學仔去紅山的盒馬走一轉。
去過幾間盒馬，除皇庭就喜歡這間，地方大，人又少，而且貨種與皇庭差不多，最後買左想試很久的卷蛋。
盒马鲜生(红山6979商业中心店)
營業時間：09:00-22:30
地址：广东省-深圳市-龙华区-大岭社区红木街红山6979二期7栋B1层B135号
地鐵：紅山站（D1口）
福田口岸地鐵出閘有間Kumo Kumo，但未開。
