我因為要返學，所以好耐冇獨自出去玩嚕！
上星期畢業了，今日又可以出走了。
今日去幾個地方，仲要係4號線由頭搭到尾，差不多一小時。
不過，回程時上左地鐵車廂才記起仲有一個地方未去，都好在忘記了，因為已經肚餓了，去埋就頂唔住。
我本想去到目的地先食早餐，網上搵到有一間咖啡店，但網上資料不多，唔知有冇野食，最後都係決定去皇庭廣場的〝皮爺咖啡〞。
我有上次經驗，今次由外圍行過去。
一入店就feel到好熱，弊了！才記起忘記帶風扇。
上次食過川辣可頌三文治不錯，所以今次食貝果，整個餐加埋¥43。
早餐隨心搭（10:30前供應）¥19起
拿鐵咖啡+¥18
川辣貝果三文治+¥6
Peet's Coffee 皮爷咖啡
營業時間：周一至周四08:00-20:00、周五至周日 08:00-22:00
地址：福田街道福华三路118号皇庭国商购物广场L2层25号
地鐵：會展中心站 （C出口）
我出左地鐵站，好曬冇帶風扇，但有帶帽，立即戴上。
老公Whatsapp我記得多飲水，佢話唔知點解？我次次出去玩都咁熱。
小紅書好多人都話call車或自駕導航〝姻橋商店〞就可以去到〝俄地吓村〞。
不過，村不大，行一個圈可能只花20分鐘，影相約30分鐘，影相+自拍不用一小時。
村內人流不多，我只見到約3-4個人。
俄地吓村
地址：龙华区牛湖宝湖路9号
地鐵：牛湖站（C出口）
係〝俄地吓村〞石碑行入去就是。
我行過來這裡時，聽到人講野又大叫，到我影左幾張相時，個男人走過來問我野，我已經講左聽唔明，因為我普通話聽一般，講就完全唔得，佢不停重覆問題。
我見狀就預備執野走人，佢見我執野就走開了。
我係到自拍時，有架電車經過，然後停左係另一端周圍望，咁我繼續影。
突然又駛返過來在我前面停下周圍望，我向前行，佢又駛前啲，我心中有點驚，四周又冇人。
終是我立即走出村，村外都會有人經過的。
原來想來的咖啡店就是在〝姻橋商店〞後面，我望入去〝姻橋商店〞好像荒廢了。
沿路行去〝陳煙橋陳列館〞都見到好多黑白牆壁晝。
我一路睇一路驚，因為一個職員和遊客都沒有，但就與民居很近，望到人家屋企的。
根據網上資料，这座充满乡村气息的客家古围屋就是著名版画艺术家、教育家陈烟桥先生的故居。陈烟桥陈列馆
營業時間：10:00-18:00 (周一闭馆)
地址：深圳市龙华区鹅地路169号
其實，入到去有3個門口，只有2個門口入去睇展品，左邊近門口望左一眼，中間是陈烟桥故居上鎖了。
我行入去左邊房，企係綠色屏風旁睇，沒有行入去，因為驚和一眼睇晒，房中間有一幅好大的相，旁邊有些展品，再向左邊望就有條路是打通3間房的，每間房都有牆分隔。
不過，這裡有公共厠所~乾淨，可能人流少的關係。
網上資料，墙上展示着陈烟桥父母的照片、陈烟桥的结婚照、陈烟桥夫妇与孩子们的合影，另一个房间内，展示着陈烟桥的创作工具、家书、出版的著作、陈烟桥与鲁迅交往的一些图片，及其版画作品等。
離開〝
陈烟桥陈列馆〞繼續向前行，沿途行過來都係冇咩人，間中有車經過。
四周圍都係爛尾樓和荒屋，後來睇到告示，原來全村已撤離，因為已被收為舊改用途。
中国版画博物馆
營業時間：10:00-17:00 周一,周三至周日
地址：广东省深圳市龙华区观澜街道牛湖社区裕新路125号
我要同貓貓玩下遊戲先。
我來這裡是因為近，諗住一次過去晒，下次唔駛再來。
我見隻貓見小紅書有人打卡，原來在這裡。
我入到去Reception冇人，突然有個女職員彈起身，佢叫我上2-3樓。
我來這裡都唔知有咩展覽，咁啱有可愛貓貓的版晝展。
這個是會變色的燈箱，仲有關貓貓其他展品。
以下是我喜歡的版晝。
仲有貓貓的裝置，我間中都聽到有聲，但望四周又冇嘢又冇人，臨走時發現，原來這是一個裝置，紙箱內的貓會探頭出來的。
行到去場館後方又聽到有聲，原來是這個裝置。
有精品攤位，不過沒有店主，只有場館職員在旁，要用電子支付，付款後職員仲要連同產品和付款頁面影相。
我路過時，有一對外國情人問我懂英文嗎？我懂，但唔叻。
原來佢地要買東西是¥26，但唔收現金，佢地又冇電子支付，咁我就幫佢地付款。
我叫佢地付我¥20就可以，因為我冇零錢找，佢地就拎左一堆零錢，但我說是港弊，好努力再搵到¥2紙弊，我話已經足夠了，然後離去。
由攤位行出去就見到大貓，館方有筆和Post it提供，你可以寫留言，貼在大貓身上。
玻璃窗上3隻貓，在室外都看到。
我要行回頭路行去〝鳌湖艺术村〞，但在我寫行程時記憶中唔係咁行，但現在導航話係就照跟。
後來回程時我知點解路唔同左，因為我去漏左一個地方。
呢到人氣多一點，間中都會見到村民，但蚊和昆蟲多，我影相手定住就已經有野飛在我手上。
這裡比〝俄地嚇村〞大一點，但都係一小時耐可以完成。
這是打卡牆，見小紅書有好多人在這打卡。
我想在此自拍一下，突然擁出一大班青少年人，見佢地手持晝簿和T-恤全是一樣，應該係晝社活動出來寫生。
我影完相，突然有人叫我幫佢影相，有一個是香港人，因為佢喜歡這裡的陶瓷，所以有3個本地人帶她來。
佢仲叫左一個本地人帶我去工作室睇下，好在佢識講廣東話。
這個工作室是佢與老公一齊經營，佢老公大約4點到會到工作室。
佢老公是美國人，在這生活了11年，而她就生活了6年。
佢之前係時裝設計師，是半途出家的，剛剛由景得鎮擺檔回來。
這工作室都做過幾次展覽，但今日剛剛貼出招租，然後佢地會將工作室搬回家樓下。
工作室與她的家很近，可以望到。
最終我的直覺沒錯，就在瑞幸斜對面，不用上地面熱和曬，在地下街行過下就可以。
店外有2個人坐係到玩電話，店內又有一個人玩電話，我坐低左又冇店員過來，於是起身行出幾步望入廚房，又係冇人。
突然店內玩電話的人起身，叫我掃碼下單，再比杯水我。
奈鹿食亭·家庭料理‧小食堂
營業時間：11:00-21:00
地址：福华路350号皇庭中心商业负一楼B1-5号
地鐵站：會展中心 (A1出口)
我係大眾點評買團購用¥29.9買左〝人氣單人餐 (工作專享套餐)〞。
套餐有魚，幫我換左中華沙律，好在團購，因為質素麻麻，雖然不太好食，但太餓~清晒。
招牌定食2選1
阪神烤肉丼定食 (瘦豬肉微辣) ¥38 (1份)：日式風，但個醬汁係麻辣味，而且飯是爛的。
奈鹿之小食
蜂蜜芥末蔬菜沙拉 (1份) ¥10
北海道深海鱈魚排 (1份) ¥10
冰皮大福甜點 (1份) ¥9
暖心味噌湯 (1份) ¥7：唔好飲，味太淡。
上次係〝薛記炒貨〞買過急凍榴槤~品質好，密封左可以拎返香港，唔怕途中臭到人。
急凍榴槤唔貴，¥18.8/盒，¥50/3盒，一盒有兩粒，仲要好貼心冇核。
今次買6盒，上次拎左返娘定一齊食，都獲好評。
兩盒拎回去一齊食，兩盒送比肥細老一家，而肥阿哥除左細孖食，其他都唔食，所以就不送他了。
我亦都有回購士多啤梨乾，再買多盒芒果乾。
薛记炒货(皇庭广场店)
營業時間：10:00-22:30
地址：福田街道福华三路118号皇庭国商购物广场G-15/16
最後指定動作落去〝盒馬〞入貨。
我一定會買酸奶，而蒸氣眼罩用過又幾好~買盒先。
老公話沒有丸，想去羅湖果邊買，但唔想行，就係〝盒馬〞買先。
天氣開始涼，對肩頸痛的我會有影響，因為血液循環慢，物理治療師都係咁講，見到有蒸氣圍脖~又試下。
沒有留言:
發佈留言