今日要轉去惠東的酒店，夜晚朋友帶我地去買煙花，放煙花，再去食宵夜。
我打算late check-out，check-in時問左前枱，回覆要視乎情況，我話住2日，佢就回覆最遲14:00要退房。
今日就係酒店食早餐，等老公食完就返再房瞓，我和小王子就出去行下。
甜品、冷盤
蒸包點
飲品
仲有粉麵檔，次前係日本食過炒麵麵包，好得意，每次自助早餐見到都會整炒麵多士，今日冇炒麵有炒河～照整。
尋日上合江樓排長龍，今日早點來，果然不用排隊。
搭𨋢上到合江樓頂層8樓，原來只有這一層可以睇風景。
我同小王子諗住逐層行落去睇，落左一層只有一條落的路出不到去，所以就行返上去等𨋢。
如果尋日要排隊上來就會覺得有點不值。
合江樓
營業時間：10:00-18:00
地址：广东省-惠州市-惠城区-水东西路40号
離開合江樓就去左汕汕茶，因為小王子想要埋黃色鵝公仔，今日和尋日結果一樣都係得白色，小王子失望而回。
回到酒店叫醒老公，我地hea到一點幾就check-out。
我地搵個位置call車，路過有糯米甜品，我就買一個食。
甜度適中，皮柔軟而薄～好食，但我喜歡食厚皮。😁😁😁
生椰爆漿蜜雪餅 ¥10
谢姨麦雪饼
地址：桥东街道水东西路88号A2栋一层110-1号商铺
好快就等到車，用左差不多一小時就到達惠東的酒店。
惠東華美達廣場酒店
地址：平山街道百丘田3號, 惠東, 516300
舊式酒店，所以酒店大堂很大。
酒店又係要用房卡供電，所以叫前台比3張房卡我。
房間比上一間大有38平方米，比上一間更簡潔，沒多餘擺設和傢俱，我和老公都喜歡。
厠所有淋浴和浴缸，小王子可以浸浴。
酒店附近沒有食肆，所以call車去天虹商場。
老公揀左間潮汕火鍋，去到唔太吸引，最後都係去左海底撈。
海底捞火锅(惠东天虹夜宵主题店)
營業時間：10:00-07:00
地址：华侨城开发区HQ-3创富商贸广场惠东天虹购物中心五楼5111C铺位
搵食前係商場地下古茗買左野飲，入到去海底撈時可以取餐，我就自己落去拎。
我杯芝士莓莓好飲，要左0卡糖，感覺負擔冇咁重。
芝士莓莓 ¥23
百香双重奏 ¥13
古茗(惠东天虹商场店)
營業時間：10:00-22:00
地址：华侨城大道15号天虹商场一楼1002铺
食飽就去天虹超市行下幫助消化，這間天虹超市與中航果間賣既野有不同。
我見好多低GI食品，我問左AI之後先買，所以我地入左好多貨。
天虹超市(惠东店)
營業時間：08:30-22:30
地址：广东省-惠州市-惠东县-新平大道362号惠东天虹购物中心
朋友揸車來酒店接我地一齊去食地道食品～砵仔糕，但這裡是醎的。
我地買左30隻，¥1一隻，每隻係豉油碟size。
剛食完火鍋，我只食左2隻，感覺係似削啲既蘿蔔糕，第二隻加了豉油和辣椒醬，比原味更好食。
朋友話佢地小時候學校門口有擺檔，放學經常食，一食就食好多。
朋友帶我地去買煙花，但差不多轉入去煙花店範圍，與旁邊架電動車撞了。
電動車話佢一直行直線，電動車是從我坐果邊行，我見到係佢攝出來，但老公話大陸的電動車係要行馬路邊的。
朋友立即落車問下電動車情況，問下要賠幾多錢，電動車話車是借要問朋友。
我朋友話賠¥200可以嗎？電動車話唔得要¥250，但電動車只花了少少，朋友的車也花了。
朋友叫我地入去買煙花先，最後都係賠了¥200，因為朋友話報警，而且有車cam。
揀煙花時，有人放煙花。
最後戰利品
朋友又帶我地去食地道食品。
朋友影左相放朋友圈，佢表弟見到又想食，咁啱老婆外家來拜年，所以又帶佢地來吃。
去左朋友家坐一陣，然後行去放煙花途中又見到。
小王子唔敢玩煙花，只係玩仙女棒和砂砲。
放完煙花就回朋友家，其實，朋友安坐家中也能觀賞煙花。
朋友話今年少左人放，以前煙花放不停。
返到酒店突然聽到放煙花聲，一打開窗簾～嘩！
沒有留言:
發佈留言