今日冇食酒店早餐，去食地道早餐～飲茶。
真係好多人，要自已搵位，拎點心，但地下很滑，我有2次都差點滑倒。
舊式茶居，衛生環境欠奉，食物味道都OK。
你行開可能會唔見左張櫈，所以要好好看管。
龍園早餐店
營業時間：04:00-14:30
地址：水东街水东东路45号
炒米粉 ¥10 ： 好味
排骨 ¥6
燒賣 ¥17
蝦餃 ¥10 ： 小王子鍾意食，所以食左2碟。
牛仔骨 ¥20
我行過去買野飲比小王子，但我未夠鐘開店，去到見到做緊生意，我就去掃code落order，但全部灰左，店員回覆因現在未開門，要人手落單。
我原本order手作米麻薯甘露，但麻薯唔夠人手做，暫時未有。
大師楊枝甘露1984 ¥19.84
奶酪牛油果甘露 ¥25.8
鍾姨糖水
營業時間：14:00-19:00
地址：惠州市惠城区黄家塘80号
店內有打卡位
本來冇發覺塊鏡，見有人影相才知道。
見到合江樓
上合江樓要排隊上，所以都係留待明天先，轉去文筆塔。
文筆塔
營業時間：00:00-24:00
地址：惠州市惠城区中山东路3号
係文筆塔可以見到合江樓，打個卡。
嚟中山公園有古代道路睇，小王子指定要來。
中山公園
營業時間：24小時
地址：惠州市惠城区中山北路17号
孫中山像
惠州府衙遺址展示館
小王子好專心睇，睇左好耐先捨得走。
這裡原來係尋日落車的酒店行前啲就是，如果知道尋日就嚟埋。
朝京門
營業時間：24小時
地址：惠州市惠城区环北西一路3号(近东江边)
走到樓城上
午餐就去祝屋巷，又影下相，點知又係冇咩影。
祝屋巷
營業時間：24小時
地址：惠州市惠城区慈云路20号
有兩個惠州打卡位
原本去食海鮮果間未開，唯有去另一間，去左朋友話麻麻果間，果然係麻麻地，好似食圍餐，枱枱都係食果啲。
黎记大排档(慈云路店)
營業時間：11:00-14:30、16:30-21:00
地址：江南街道慈云路黎屋巷38号(近元妙古观)
颗颗虾饼（6个） ¥42
蒜蓉蒸乳山蚝（三个起售）（4隻）¥72
蒜香骨（8个） ¥48
红烧脆皮乳鸽 ¥48
食完就行去惠州西湖，沿路可以望到西湖。
祝屋巷行去西湖入口就是豐渚園。
豐渚園
營業時間：08:00-21:00
地址：惠州市惠城区环城西路2号
一入去就見到它。
又一個打卡位
九曲橋
燈飾
燈飾
沿途都好多人
九曲橋果邊出口出就近惠州步行街。
惠州西湖
營業時間： 主景區：08:00- 22:00（21:30停止入園）916
地址：广东省-惠州市-惠城区-环城西路2号
備註：燈飾2月14日-3月3日，18:30-22:30
我排左1小時，落單，再等多10分鐘，終於有得食。
買完條隊既人龍比我排既時候長。
绝醒广西酸嘢(水东街店)
營業時間：13:00-22:30
地址：新民后街12号
我唔要辣，所以店員建議比包自家調的粉我。
菠蘿好味，但芒果是生的，全店芒果有3種都是生，我問店員選了甜的，但實際只有少少甜，有啲還是酸的。
買咗一個芒果加少少菠蘿 ¥23.99
雞蛋仔比香港好食，雪糕類似雪白的口感，全都好食。
蛋仔小茶(水东街旗舰店)
營業時間：12:00-24:00
地址：水东西路88号水东街A4栋
店內有位坐的。
小王子超讚。
今晚原本諗住食日式串燒，但尋晚已經食咗，於是就去食燒鴨粉，點知去到休息，要初九先開，然後諗住掃街，但又冇咩好食。
老公想食點心，但街邊檔，蒸到咩就賣咩，所以最後都係食麥當勞。
尋晚嗰間老公話有點腥味，所以今晚叫另一間。
小王子食咗麥當勞，所以只叫咗一碗，最終小王子都係有食花甲粉。🤭🤭🤭
招牌//【牛肉丸、鱼蛋丸双拼】+锡纸花甲粉（微辣）¥25.8
八哥酸辣粉（花甲粉•步行街店）
地址：惠州市五四路27号1楼
沒有留言:
發佈留言