碗仔翅 (內附食譜)

前幾日問老公最鍾意食我整既咩野，原來係〝碗仔翅〞是也，我都好耐冇整，等我得閒又下先，佢係出面返工咁辛苦，係咪好sweet sweet呢 ！  

碗仔翅係我朋友教我整，我識整之後覺得出面一碗好貴，但如果好食都值得既。

碗仔翅

材料： 

瘦肉                                   適量

雞蛋                                     1隻

薑                                         1片

冬菇 (浸透切絲)          適量

木耳 (切絲)                         適量

粉絲 (浸透切段)                 一包 (小)

水                                        適量

調味： 

老抽                                     適量

雞粉                                     2茶匙

胡椒粉                                 少許

麻油                                     少許

芡汁 ： 

生粉                                     適量

水                                         適量

做法： 

1.       瘦肉飛水過冷河，再置煲中以4杯水煮30分鐘，取出待凍拆絲，湯水留用。 

2.       將湯水倒下煲內，再加水，滾後加入材料，蛋&粉絲除外，再加調味打芡。 

3.       最後將蛋打散及粉絲，放入煲內，滾起即成。 

備註： 

l   我一向都係用生粉打茨，但要用好多先會稠濃，同埋攪得多會好易變水，我估用馬蹄粉會好好多，但馬蹄粉就貴好多。