尋日下午見到家附近的羽毛場，今日下午4點有場就撳入去book場，一揀場地個場就消失了。
晚上，就諗諗下不如行山，於是老公就去YouTube睇片，最後就揀左這裡。
YouTube：龍虎山•伯大尼•松林炮台•寶珊排水隧道
今日早上我和老公在家樓下的大家樂食早餐，然後就坐巴士過海，去到中環落車，行去IFC的Citysuper，在的旁的出口出，再轉左手邊扶手電梯落去，再向前行就會見到小巴站。
我地搭3號小巴，從總站搭到總站，由於我地第一次搭，最後落剩我地，小巴司機突然問：你兩個仲咩唔落車？我地立即動身落車，原來3號小巴總站是在路邊的。
其實，你離遠見到寶城大廈就是到了總站。
落車過對面馬路過左寶城大廈，有條路上去就是「寶珊排水隧道 - 山泥傾瀉科技展學館」，不過尋日上網睇左，因內部系統升級工程，今年6月暫停對外開放。
我專登過來影相，下次帶小王子來參觀。
如果唔去「寶珊排水隧道 - 山泥傾瀉科技展學館」，可以在消防局這落車，因為頭先有個人在這裏下車。
消防局旁邊有條樓梯上，旁邊寫住山頂，行上去就是晨運徑。
沿山路一直上就會見到龍虎山郊野公園的牌，再行上啲就會見到分岔路，行左邊指住去松林炮台的。
一直行就會到松林砲台歷史徑，向上行。
到達見到一片空地，有公厠，而且有人在放狗。
松林砲台
戰鬥掩蔽體
防破片掩蔽體
觀測所
一號砲床
二號砲床
指揮所（海防砲台時期）及彈藥褲
指揮所（高射砲台時期）、廁所（高射砲台時期）
見到公厠向上行有分岔路，轉右邊繼續行就是我的目標。
轉左邊就可以去山頂。
其實，公廁旁邊也有條樓梯可以上到去分叉路口，不用行上去到分叉後。
終於到達了我覺得唯一一個打卡點「龍虎山觀景台」。
打卡後，休息一陣又出發了。
花
見到過個牌行左邊，右邊是一片草地。
一直落樓梯到底後，見到閘行出去就會見到
郊野公園薄扶林管理站
郊野公園薄扶林管理站，沿路行落去就會到達大馬路，過對面就是伯大尼教堂。
前面有度側門開了，可以從這裏行入去。
伯大尼教堂
開放時間：07:30 - 19:30
地址：薄扶林薄扶林道139號
這裏有導賞團，也有穿梭巴時，但不知是否任何人也可以乘搭。
這裡應該是正門
伯大尼教堂旁有個「薄鳧林牧場」，可以入去參觀，也有紀念品售賣。
旁邊仲有間Pizza Express。
薄鳧林牧場
開放時間：10:00 - 18:00 (午膳 12:30 - 14:00)
公眾假期：週一至週日均有開放
休館日：週三休館（公眾假期除外）
地址：薄扶林薄扶林道141A號
牌後就是洗手間。
從這條樓梯上去就可以入內參觀，亦都可以從外面的旋轉斜路入去。
室內有些地方不可拍攝。
巴士經過見到呢到好多野食，所以決定落車，然後老公去OpenRice搵邊間好。
佢見到金祥排骨麵評語不錯，所以就選它。
這店是上海鋪，份量大，味道好，價錢公道不貴。
金祥排骨麵
營業時間：11:00 - 17:00 (逢星期二休)
地址：西環西營盤德輔道西316號地下C舖
菜膽牛肉雲吞麵 $54
菜膽排骨麵 $49
豆漿 $7/杯
香煎餃子 $38
坐電車去銅鑼灣買野，咁啱停車就記錄一下。
沒有留言:
發佈留言