Cream Cheese小雪芳 (內附食譜)

今日開雪櫃見到舊忌廉芝士開左好耐，所以用咁D先，又想起盒奶今日又到期，睇書後就決定整呢款蛋糕勒！   

我唔知點解焗左第一轉都唔係好熟，再焗先熟，之後就用個長形蛋糕模，又係第一轉唔熟，焗到個面仲燶燶地添！可能我用既模同書唔同，所以咁樣喇！   

每次阿茂整包餅都冇書咁靚既，要再加倍努力和下D功夫先！   

我：覺得味甜左D，芝士味唔夠。

Cream Cheese小雪芳

食譜來自：手工蛋糕~Hand-made Cake

材料：(2個4吋雪紡模或任何紙模)

蛋黃                      4隻

砂糖                      40克

橄欖油                  20克

牛奶                      120克

低筋麵粉              60克

忌廉芝士              80克

泡打粉                  2克

蛋白                      4隻

砂糖                      40克

做法：

1.         先以170度預熱焗爐。

2.         將40克砂糖加入蛋黃以手動打蛋器攪拌均勻。

3.         將忌廉芝士與牛奶一起加熱拌至溶合，略凍後與油倒入蛋黃糊拌勻。

4.         並將已過篩的粉類加入蛋黃糊內攪勻。

5.         將蛋白打至起泡後將40克砂糖分次加入繼續以【蛋白打發方法】打至挺身，用膠刮刀分出1/3蛋白放入蛋黃內混合拌勻。再將蛋黃糊分2-3次倒入蛋白糊內以膠刮刀快手拌勻，再倒入模具內約8乘高度。

6.         輕輕拍數下將麵糊內的空氣拍出。入爐以170度焗約25分鐘。焗好取出倒扣待涼便可。

小貼士：

忌廉芝士與牛奶一定以加熱方法混合，這樣才能拌成幼滑麵糊。

沙嗲雞串 (內附食譜)

今晚攪攪新意思整〝沙嗲雞串〞，老公成日都好鍾意附近一檔買魚蛋、魷魚、豬皮‧‧‧既辣汁，辣汁有D似沙嗲醬，所以我專登買齊材料煮比老公吃。

沙嗲雞串  

食譜來自：美味醬汁Cook得起  

材料：  

雞扒                   2塊  

沙嗲醬                4湯匙

用具：  

竹籤                    4枝 (浸水備用)

醃料：  

生抽                    1茶匙

老抽                    1/3茶匙

魚露                    1茶匙

芫茜粉                1茶匙

胡椒粉                少許

糖                        1/2茶匙

鹽                        1/4茶匙

做法：

1.          先將雞肉去皮，切細粒，以醃料醃1 1/2小時，備用。  

2.          將醃好之雞肉穿入竹籤上，以滾油炸至雞肉熟透，進食時蘸上沙嗲醬。  

 

沙嗲醬  

材料：  

芫茜粉               3茶匙  

小茴香粉            3茶匙  

指天椒                6隻  

乾蔥頭                6粒

油                       2 1/2湯匙  

調味料：  

椰漿                    165毫升 (原食譜：椰汁~180毫升)  

原蔗冰糖            3湯匙 (原食譜：蔗糖~3湯匙)  

生抽                    1茶匙  

老抽                   1茶匙  

鹽                        1茶匙  

雞粉                    1/2茶匙  

花生醬                6湯匙  

做法：  

1.       除油外，將全部材料放入攪拌機內攪碎。  

2.       燒熱油，以慢火炒香攪碎之沙嗲材料。除花生醬外，加入其餘調味料，以慢火煮滾，最後下花生醬拌勻，滾起，即成。

日式芝士蛋糕 (內附食譜)

 

我想整麵包好耐，但一直都冇時間，時間只夠我整蛋糕，所以今日又整左個蛋糕。   

上次跟〝自家製手工蛋糕~Hand-made Cake〞整〝蜂蜜綠茶蛋糕〞，但個面溶溶地，我問左〝KaeBakery〞點解，佢提意我將焗爐加高少少溫度去焗，所以今次我就將焗既度數加大左。   

焗到個面裂晒，但放涼後又縮水，個面就靚返D咁喇！  

  

老公放工回來吃左一啖，又食多一件，佢話蛋糕OK喎！蛋糕比我想像中好，因為本書有D步驟係寫漏左，例如：    

• 淡忌廉冇講係邊到加，我就自加。  
• 步驟(4)書係蛋白加入25克糖打至企身，之後既糖又冇話加係邊，所以我一次過落晒。  

我諗應該係印刷上既錯誤，但出來效果口感好似〝田中之家〞果D質感~GOOD AR。

日式芝士蛋糕

食譜來自：手工蛋糕~Hand-make Cake

材料：(1個8格撱圓形矽膠模或6吋蛋糕模)

忌廉芝士                    100克

橄欖油                        10克

淡忌廉                        50克

牛奶                            60克

蛋黃                            2隻

低筋麵粉                    15克

粟粉                            5克

蛋白                            2隻

糖                                40克

做法：

1. 先以190度預熱焗爐，模具先以牛油紙墊好底部。  

2. 牛奶及芝士坐水加熱用手動攪拌器打至光滑。  

3. 取起加入油拌勻，再篩入粉類拌至無粉粒，加入蛋黃拌勻。  

4. 將淡忌廉倒入芝士糊內拌勻，備用。  

5. 蛋白加入糖一起打至企身，取1/3蛋白糊加入芝士糊內拌勻。  

6. 再將所有芝士糊倒回蛋白糊內同拌勻。  

7. 將麵糊倒入模具內約8乘滿，再將整個模放入已盛水的大焗盤上。  

8. 入爐以190度焗約30分鐘至表面金黃色，再轉回180度焗約17分鐘。 (若然表面燶就加張錫紙係蛋糕面上)  

7. 入爐以160度焗約15分鐘至表面金黃色，再轉回150度焗約35分鐘。  

8. 出爐後待涼小心將蛋糕倒出便成。  

 *綠色字係原食譜以1個8格撱圓形矽膠模焗的時間。

蒜容包 (內附食譜)

 

蒜容包

材料：

方包                4塊

蒜容                3-4湯匙

植物牛油        2-3湯匙

做法：

1.         用180度預熱焗爐。

2.         蒜容加植物牛油撈勻。

3.         將蒜容牛油搽上方包上。

4.         放入焗爐內焗7分鐘，然後放上上層焗至金黃色即可。