清新檸檬蛋糕球 (內附食譜)

尋日整〝馬德蕾貝殼蛋糕〞只係用少少檸檬汁，所以剩返差不多成個檸檬係到，所以我就整呢個〝清新檸檬蛋糕球〞，不過，我冇加檸檬屑，因為尋日用晒，但其實我唔係想整呢個，而係另一個都係用檸檬汁整，我成日都係咁大頭蝦既！唔通真係有D痴呆。   

我整左17個，自己試食左一個， 就將它平均分成2份，一份留比老公，另一份就拎左比熊貓姐姐。   

食後報告：   我：放涼後就即吃，味道不錯，帶少少酸。 

老公：去完街回來吃，覺得硬，沒有什麼特別。 

熊貓姐姐：味道幾好，唔覺硬。   

我4點鬆D問左熊貓姐姐意見，到5點幾熊貓姐姐來電，佢話而家覺得蛋糕硬，味道與普通蛋糕一樣，尋日的好吃好多，不用說已吃到有檸檬味。我聽到就又試下先，真係硬過頭先，但我已用保鮮袋入住，咁呢個不宜擺放太耐吃。

清新檸檬蛋糕球

食譜來自：自家製手工蛋糕~Hand-made Cake

材料：(1個8格半圓形矽膠模)

牛油                      50克

砂糖                      50克

檸檬汁                  20克

檸檬皮屑              15克

全蛋                      2隻

低筋麵粉              60克

泡打粉                  2克

做法：

1.         先以180度預熱焗爐。

2.         牛油於室溫下溶化。

3.         加入砂糖以電動打蛋機打發至鬆發變白。

4.         蛋打散後分2-3次加入牛油中打勻後，再拌入檸檬汁及檸檬皮。

5.         將已過篩的粉類加入牛油糊內攪勻備用。

6.         再倒入模具內約8乘高度。

7.         入爐以180度焗約35分鐘。

小貼士：

l  可用濃縮檸檬汁代替鮮檸檬汁。

整後心得：

l  用唧袋唧落紙模會方便些。

l  今次我冇加檸檬屑，吃不到檸檬味，所以檸檬屑一定要加。

l  我用約3.5cm紙模，只係焗左15分鐘便完成，所以若然用其他模就要更改時間。