香蕉阿華田雪芳 (內附食譜)

之前買左蕉，終於等到今日熟度夠，可以整蛋糕喇！  

蛋糕表面有點黏，應該係焗爐唔夠熱所至，食譜用170度，我已用180度來焗，咁下次要再較大D，但就要牢牢睇緊。  

不過，組織就非常得，表面和內裡都有好多孔~很鬆，唯一不足就是糕身不夠爽，放耐點會不會好D呢？  

今晚高佬和高達都吃過，佢地都話OK，但老公就唔鍾意食蕉，所以就話麻麻。我和高佬唯一的意見就是糕身黏左D。    

香蕉阿華田雪芳  

食譜來自：自家製手工蛋糕 Hand-made Cake  

材料：(2個4吋空心雪芳模或任何紙模)  

蛋黃               2隻  

砂糖                      30克  

橄欖油                   10克  

阿華田粉               20克  

水                           30克  

鮮香蕉茸              1隻  

低筋麵粉              50克  

粟粉                    10克  

泡打粉            1克  

蛋白              2隻  

砂糖               20克  

做法：  

1.       先以170度預熱焗爐。  

2.       將30克砂糖加入蛋黃以手動打蛋器攪拌均勻。  

3.       阿華田粉先以水一同混合再倒入蛋糊拌勻。  

4.       再加入油及香蕉茸同拌勻。  

5.       將已過篩的粉類加入蛋黃糊內攪勻備用。  

6.       將蛋白打至起泡後將20克砂糖分次加入繼續打至挺身，用膠刮刀分出1/3蛋白放入蛋黃內混合拌勻。  

7.       再將強黃糊分2-3次倒入蛋白糊內以膠刮刀快手拌勻，再倒入模具內約8乘高度。  

8.       輕輕拍數下將麵糊內的空氣拍出，入爐以170度焗約25分鐘。  

9.       焗好取出倒扣待涼便可。  

貼士：  

l   阿華田粉要卮用材料內的水先開混，這樣會比較易於與蛋糊融合。

l   材料內的香蕉一定要選用較熟的才能帶出香蕉的香味。

法式煎餅 (內附食譜)

情人節整左老公鍾意的Pancake，佢話好味與麥麥的差不多，但我覺得麥麥好吃些，可能麥麥比較實，咁即係粉多喇！粉多咪唔好囉！人真係矛盾嘞！   

這份量我煎到十塊約手掌心大的Pancake。   

初五娣婦帶阿B來我家拜年，我都煎左Pancake比佢地食，娣婦都話好，佢喜歡吃我這款多過麥麥。

法式煎餅  

食譜來自：懶人甜品  

材料：  

麵粉 (已過篩)             100克  

鮮奶                  120毫升  

蛋黃                  3隻  

蛋白                  3隻  

砂糖                  50克  

鹽                    少許  

裝飾：  

士多啤梨               適量  

焦糖                  適量  

烙粉                  適量  

做法：  

1.       蛋白以電動打蛋器略打起約1分鐘至企身，分3次加入砂糖打至企身成蛋白漿備用。  

2.       鮮奶杖1甥、蛋黃，以電動打蛋器拌勻。  

3.       加入麵粉以電動打蛋器拌勻。分次加入蛋白漿，拌勻成粉漿。  

4.       燒熱鑊，下油，加入適量粉漿，煎至兩面金黃及脹起。  

5.       上碟，放上士多啤梨，淋上焦糖，撒上糖粉即成。  

整後心得：  

l   書寫要用油煎，所以頭幾塊用油，後來發現不用油煎出來仲靚。  

l   用平底鑊，火要用小火，鑊要夠熱。  

l   每次加粉漿和翻轉我都會離火。

榛子粒粒慕士蛋糕 (內附食譜)

尋日係同屋住生日，明天就約左一齊吃飯，所以今日就整蛋糕來賀一賀他   。

我不單整了過個蛋糕，因為下星期一都是肥仔生日，所以我將剩下的榛子醬整多一個6吋。  

食譜係用4吋方模，但我要將淡忌廉打得稠身先免強裝得落，後來整5吋方模的份量，但我冇5吋方模，咪用6吋圓模，點知用6吋圓模都係剛好，若用5吋就大鑊喇！

雖是不同形狀，但都不會差咁多，係咪我技術有問題呢？    

我在整第一個既時候試過味甜左D，係整第二個時又唔記得將糖份減少，所以下面譜的糖份是跟原食譜出，大家整就要自行減糖份，下次我一家要記住減糖。   

食後感：

分別在6/2和7/2食過後，大家都認為蛋糕偏甜   ，我切既時候仲覺得餅底好硬，連同屋住老婆都係咁話。肥仔仲話唔似榛子味，而係似拖肥味。   

榛子粒粒慕士蛋糕 

食譜來自：自家製手工蛋糕~Hand-made Cake 

材料：(一個4吋方模)  

消化餅 (已打碎)                   60克  

無鹽牛油溶液                               35克  

榛子醬                                      100克  

魚膠片                                 2 1/2片  

榛子碎粒                         適量  

牛奶                                 50克  

糖                                          45克 (甜、可以減少)  

淡忌廉                                      150克  

榛子粒 (裝飾用)                    適量  

做法：  

1.       以180度預熱焗爐。  

2.       榛子粒先用焗爐以180度烘焗約10分鐘，取出後去除皮衣。  

3.       分出一部份壓成小粒狀備用。  

4.       魚膠片先以凍水浸軟，再撈起放於小碗以熱水坐溶備用。  

5.       牛奶加熱離火加入榛子醬拌勻。  

6.       將餅碎與牛油溶液混合拌勻放入餅圈內壓平，放入雪櫃約30分鐘至餅底變硬身。   

7.       淡忌廉加糖用電動打蛋器打起成軟忌廉狀。  

8.       榛子牛奶混合並加入已打淡忌廉內拌勻。  

9.       最後倒入魚膠液拌勻  

10.    將慕士倒入已硬餅底模具至滿，邊倒邊隨意放入榛子小粒。  

11.    放入雪櫃雪約3小時至硬身。  

12.    取出後加上裝飾後用風筒吹熱模邊，便可輕輕拉起模圈便成。  

小貼士：  

l   榛子醬在蛋糕材料舖可購買得到。  

l   可用現成榛子粉代替榛子粒。   整後心得：  

l   跟這食譜的糖會甜，所以要自行將糖份減少。 

l   用4吋方模要淡忌廉打得稠身少少先可以免強容得下，覺得用5吋模會較好。  

l   其實，我整第二個時的份量是5吋模方模，但就要用6吋圓模才容納到，所以要用大一點的模來盛起。