Event 1933‧太安樓

九巴係尖沙咀鐘樓攪左個活動~名為〝Event 1933〞，大家都可以著啲懷舊既服飾出席。

小王子唔知係咪遺傳左老公既愛好，都係鍾意巴士，所以我地就去呢個活動。

遲左出門口，食埋早餐去差不多10點半先去排隊，已經打蛇餅喇！

之前聽姊婦同阿B都話嚟，但到我走都未人，佢地on the way。

輪候玩遊戲都要等好耐。

排隊上巴士坐下、影下相。

熱狗冇機會坐架喇！仲要係咁舊款。

玩完遊戲儲印仔就可以換野食。 

睇下小王子見到就好開心。 

走人了

食野都咁多表情。 

跟住坐船過海去太安樓食野，但由中環碼頭行去西港城坐丁丁，行到腳仔軟。

之前lunch時同事帶過我嚟呢間食車仔麵。 

然後又同老公每人買一兜海南雞飯回家做晚餐，老公加錢要雞脾，但冇比到雞脾。

攤位遊戲的禮物。