洋蔥豬扒 (內附食譜)

好多年前睇阿蘇教煮餸學識的，好多時諗唔到煮咩就會整，因為簡單。

煮到肥阿哥問我仲有冇其他識煮，今日阿媽又order我煮呢個喇！

醃料和醃法我都改左，因為懶，改左出來效果一樣，做野簡單啲好。

我在家通常都醃過夜，但在娘家就最少會醃30分鐘以上。

這個汁好好用，有時用洋蔥煮野都會用呢個汁，太方便又簡單了。

洋蔥豬扒

材料：

豬扒                    7塊

洋蔥                    2個

醃料：

生抽                    適量

糖                         適量

老抽                    適量

水                         適量

油                         適量

汁料：

糖                         適量

老抽                    適量

做法：

1.       豬扒洗淨，用刀背拍鬆，瀝去水份。

2.       用醃料醃30分鐘或以上。

3.       爆香洋蔥，加入糖爆炒，再加入老抽爆炒，盛起備用。

4.       中火煎熟豬扒，用交剪將豬扒剪小件，形狀大小隨意。

5.       加入洋蔥一起炒勻，試味，即成。

貼士：

·         唔夠汁可以加水，再加生粉茨就可以。