Day 10：心齋橋
尋日與酒店講左會延遲到下午1點Check-out，遲2小時都係比多￥2000~抵。
今早出門口前同老公講左，叫佢11點半就要起身，預備等我買野回來再執一執。
最後一日係心齋橋活動，可惜預錯時間出機場，攪到冇晚餐食，求其食左少少野就上機。
這個旅程，小王子每日都扭計，扭計次數多到數唔到，真係激氣到死。
朋友們委託買既野都盡量去買，但有啲真係搵唔到。
小王子話下次要去11日，下次要再計劃一下先。
*********************************************************************************
我早上9點自己一個出門口，比預期遲左出門口，因為真係攰瞓晏左。
MisZapatos側孭袋想買多一兩個，問店員話已經擺晒出來，所以都唔駛問有冇新，即係賣一個少一個。
行完再去左心齋橋〝3COINS + plus〞買左件狗狗件比表姐隻狗仔。
Marudai 丸大百貨
地址：〒541-0056 大阪府大阪市中央区久太郎町３丁目５−8
營業時間：0900 - 1800
頭先經過未開門，而家11點15分行上去嘆個一人早餐先。
上到去食厚pancake要登記，登記後要12點再返來先有得食，因為前面有好多booking。
12點我要回到酒店，唯有嘆句~冇緣。
鬆餅 gram (グラム 心斎橋本店)
地址：〒542-0085 大阪府大阪市中央区心斎橋筋１丁目５−２４
營業時間：1100 - 2200
一心諗住食厚pancake早餐，而家好肚餓點算好？
一直向前行見到〝PABLO〞，上次食左冇諗住食，梗係食未食過既野喇！但肚餓就食佢。
邊行邊食行返酒店，食完打電話比老公睇下起身未，好在起左，但小王子唔肯起身。
PABLO 心齋橋店
地址：〒542-0085 大阪府大阪市中央区心斎橋筋２丁目８−１ 心斎橋ゼロワンビル1F
營業時間：1000-2230
TO PABLOmini ￥220 (稅入)
返到去小王子都攪掂，我就將戰利品入喼，將行李寄存酒店先，行完再回來取。
一早就見到貓，小王子立即要影相，佢開心到震。
我好鍾意食章魚小太子、大阪燒和炒麵，所以午餐就去呢到食，可以滿足晒我既願望。
這裡有2層，地下係bar枱圍住個鐵板，有個廚師即場煮，而2樓就係一間間房，而且有厠所。
我地有小朋友，所以安排坐2樓，房內有呼叫鐘。
Honke Otako Hozenji 大たこ 法善寺店
地址：〒542-0076 大阪府大阪市中央区難波１丁目１−6
營業時間：1130 - 2300
食完去心齋橋，我與小王子又食甜品。
老公知道我想要，所以臨走又去多轉，今次見到尋晚個職員，夾左幾次唔得就叫佢來幫手，終於夾到了。
我兒時好鍾意小飛象，今次夾埋佢返香港，不過，夾左好多次都唔得，叫左另一個職員來教路都唔得，職員親身示範左好多次先成功，然後佢再擺好，我地再試多3次先夾到。
老公揀左2樣野，等我來付款，因為一向旅行財政都由我管。
平時影相有時忘記個相機蓋擺左係邊，心諗有條相機帶或套可以放相機蓋就好。
今早去Disney Store被我發現相機帶可以收藏相機蓋，雖然有寫尺寸，但冇帶相機唔敢博，而家帶埋相機去問店員，佢話啱就即買。
之前網上有人話機埸有部機買比卡超公仔，仲有2款係關西機場限定，終於見到喇！
沒有留言:
發佈留言