三絲炒蝦子麵 (內附食譜)

上次見到肥媽炒蝦子麵，但冇睇內容，因為夜要瞓，平時我9點半前就瞓。

今日我又試下炒，做法都係同平時一樣炒法，其他配料就隨你喜歡。

我覺得食來上來有點半伊麵，但麵質就冇伊麵咁淋，比較挺身。

三絲炒蝦子麵

材料：(2人份)

蝦子麵                   141克 (3個)

火腿                       3塊

洋蔥 (連皮)          88克 (1/4個)

甘筍 (連皮)          61克

青蔥                      適量

水                           1湯匙

汁料：

糖                           1湯匙

蠔油                       2湯匙

魚露                       1/2湯匙

水                           3湯匙

做法：

1.          青蔥洗淨，切段，備用。

2.          洋蔥去皮，切絲，炒至微啡，備用。

3.          火腿切絲，略炒。(不能炒太耐黏鑊)

4.          甘筍去皮，切絲，用1湯匙水炒至乾水，備用。

5.          洋蔥、火腿、甘筍落鑊炒勻。

6.          滾水落蝦子麵，烚2分鐘。

7.          青蔥、蝦子麵加入鑊，炒至8成熟。

8.          再加入汁料炒勻，即可。