日式炸雞 (內附食譜)

上次整〝蒜香醬油雞翼〞隻粉仲未用完，我見小王子好鍾意食日式炸雞，所以尋日就雞扒預備今日整。

之前整雞翼覺得唔夠味，所以尋日將雞扒醃左先，但唔敢落重味，因為有啲人話隻粉已夠味。

老公和小王子都讚，我自己都覺得唔錯，小王子仲話下次要再整。

日式炸雞

材料：

雞扒                                   646克

日清蒜香醬油炸粉           3湯匙

醃料：

糖                                       2湯匙

豉油                                   1湯匙

胡椒粉                               少許

做法：

1.          雞扒洗淨，瀝去水份，切件。

2.          用醃料醃一日。

3.          用日清蒜香醬油炸粉撈勻雞件。

4.          用185度，氣炸8分鐘。

5.          用195度，氣炸3分鐘。(目的係令表面金黃)

 貼士：

l   因為冇預熱氣炸鍋，所以氣炸第2轉時要留意，以免燶。