自家製藍莓醬 (內附食譜)

大約2星期前係街市買左3盒藍莓王子食左一盒就冇食。

尋日睇有啲已經開始變，我就揀左完好的來整果醬，再有剩就放左冰格待用。

我對上一次整已經係2008年，我係跟以前有個Blog友整。

我叫小王子試味，五隻手指都試勻，之後仲要我比一碗佢食。

明天已經買左饅頭做早餐，佢見有果醬，即刻打比爸爸叫佢放工買方包回來，明天食藍莓醬方包做早餐。

我將果醬入樽放左係枱面，小王子見到即刻兩眼發光走過來要食，真係比佢笑死我。

自家制藍莓醬

材料：

鮮藍莓       125克

黃糖                3湯匙  

橙汁            1/2湯匙

橙皮屑              1/4湯匙 

做法：  

1.    將材料放入煲中煮滾，收慢火，煮至稠身，約二十分鐘即成，其間不要令果醬焦乾便可。 

***可改用其他鲜果如士多啤梨，奇異果等，但糖份可增加一些。***