Executive 沖泡茶機@Tea Chateau

復活節去左深圳朋友家玩，她沖啡我飲，又挑起了我條咖啡筋。

今朝係Facebook見到有媒體幫Tea Chateau出廣告，只要買滿$1388產品，就可以零機價帶走部茶機。

這部機除左沖茶，亦都可以沖啡。

咁啱上個月朋友買左一部，但係另一個型號，茶機機身纖巧。

我到店後，其實都冇人招呼，職員忙，一個收銀，一個Sales，問野都答得快，再問覺得佢覺得你煩。

上次朋友來好好service，而且茶隨便試。

職員話而家係Peak Hour，所以每group人只可以試2款茶。

仲話由於今日係消費卷第一日，所以店內多人，但客係一個接一個，沒想像中咁多人。

我唔係因為消費卷而買，而係零機價吸引我，沒有消費卷我一樣會買。

其實，老公見咁既態度想走，我與另一個朋友What's app傾緊，佢都叫我走，等佢地得閒先來。

我個人好衰，決定左做就一定要做，完成唔到我會唔開心，所以最終買左。

職員話晏少少會What's app短片教點用部機，回到家發現沒有開箱check機。

我未收到短片，唔開箱住，收到短片順便問下冇check機，如有壞如何處理。

現在零機價就是送〝Executive 沖泡茶機〞，想要其他茶機可以加錢換，而朋友果部上個月已是最後一批，現在冇貨了，因停產。

茶機有大和細Tray，可以放大或細茶囊。