今日又北上去玩2日，這次係同朋一齊去，仲有朋友既同事，佢同事仲帶埋姨生囡，大小王子一歲，可以有個伴玩。
同事與姨生囡尋日下午就上來住多晚先，所以今朝10:20分就在金鴨季等位，仲要排頭位~勁。
我地都10:30分到，到老公接力，我地就周圍行下。
老公11:15分就叫我地回去，他已入座了。
我在門口突然見到深圳朋友和老公同事，佢話來睇小王子，真係錫佢。
我地一齊入去，傾傾下金鴨季的經理過來同深圳朋友講左幾句。
原來深圳朋友上次帶德國同事來吃過，朋友話10月德國同事會再來，經理話到時微信佢。
深圳朋友知道我要去華強北整電話就話帶我去，佢等我地食完野就載我地去。
由於深圳同事頭先去酒店幫老闆試菜，所以同佢老公去行下等我。
剛才都問左經理book房價錢，廳有2個類似雀籠的位係拉簾消費¥1500，但大家都會望到入去，而真係房，即是我地上次有幸去入果間要消費¥2500。
金鴨季‧北京烤鴨
營業時間：1130 - 1400、1730 - 2100
地址：皇崗路5001號深業城小鎮L3層T3089舖 (地址：冬瓜岭站 E出口步行)
我地冇叫團餐，全部都係晒叫的，食物與上次都是差多左。
手撕醬油雞 (肉質緊實) (例) ¥78
鹽酥雞 ¥48
松露全素 (例) ¥58
七味粉鹽豆腐 (例) ¥62
水煮牛肉 (例) ¥88
蘆筍炒元貝 (例) ¥128
蝦仁蒸蛋 (例) ¥68
北京烤鴨 ¥238
原本Plan左明天去卓悅intown，先食茅台雪糕，仲要係旗艦店，但某些原因我取消了，咁就係到食喇！
茅台冰淇淋
營業時間：10:00-22:00
地址：深業上城三楼星巴克旁边
大家食到好飽諗住叫2個球大家試下，點知店員話要明天先返貨，而家等杯裝雪糕和酸奶，咁我地就要一杯原味詆下。
我都係比較喜歡一球球不的雪糕，杯裝的酒味濃。
經典原味 (75g) ¥66
深圳朋友開車帶我去華強北，這間原來是老公公司I.T.同事多年前介紹給她的。
我要放低電話，需時約一小時，我想快一點，因為仲有行程，佢話盡量。
我iPhone XS Mas換電話玻璃+電池，而老公Samsung舊電話換電池，全部加埋¥490，可以用AlipayHK付款。
我忘記帶Mon貼，走去地下求其搵間貼，揀最貴¥15，個貼冇以前果塊咁易污糟。
地址我都唔知，所以睇相。
我整緊電話時，團友就去卓悅中心的Kumo Kumo買雪糕，因為我同佢地講雪糕好吃過蛋糕。
佢地都有去鮑師傅，但大排長龍，所以冇排。
Kumo Kumo
營業時間：1000 - 2200 (Sun - Thu)、1000 - 2230 (Fri - Sat)
地址：卓越中心東區B1層B185舖 (華為旁電梯)
芝士雪糕 ¥28
頭先等電話時去左嘆啡，深圳朋友話這間好飲。
Peet's Coffee皮爷咖啡
營業時間：周一至周日 08:00-22:00
地址：华强北路2009号茂业天地L1Peet’sCoffee皮爷咖啡茂业天地店
我3杯都試過最好飲就係我的咖啡，小王子杯芒果冇味，最難飲係老公的抺茶，來這間都係飲啡好。
芒果風味酸奶爽冰樂 (大) ¥39
抺茶爽冰樂 (大杯) ¥36
香椰Dirty (澳白杯) ¥36
由於我整完電話已4點鬆，而我又book左5點去按摩，所以叫團友自己去按摩地方等，係飲啡時深圳朋友打去再加多一位。
我地上左19樓之後被安排下一層，店內有其他人，所以冇影店內情況。
全部女士都按摩，老公就按腳，老公同事和小王子就齋坐等，估唔到連姨生囡都按腳，佢姨媽陪他一齊。
大家都好滿意自己的技師，我下次會再來。
大家可以睇下備註條片，我係跟Data去的，話係佢網友仲有免費一次性衣服，而且不用入會都有會員價，我係用微信預約的。
天沐养生经络SPA
營業時間：10:00-24:00
地址：新南社区东门南路3002号华都园大厦19楼C (国贸站 B 出口)
預約：What's app 13266811456 (微信同號)
備註：天沐养生经络SPA
我地晚餐去1234Space開餐，朋友話由按摩行過去唔太遠，她的車就泊在按摩樓下，吃完飯回來取。
我、老公和2個團友去〝深圳文和友〞行下~打卡，其他人就去等位食晚餐。
文和友
營業時間：1130 - 2300 (Sun - Thu)、1130 - 2330 (Fri - Sat)
地址：深圳羅湖區解放路3002號 (老街G出口斜對面，10分鐘火車橋後面)
入面檔蠔不見了，剩下個大蠔招牌。
入面都有啲鋪做生意，但係有好多地方都封左不准入，可能就執。
開闢後已想試〝綠茶餐廳〞，但一直未排到，今次終於到了，朋友話綠茶係平價餐廳。
漏斗是用來計時，30分鐘內上齊菜品，如超時將贈送扎/杯飲料，食物好快就送到。
燒椒皮蛋 ¥18
三色涼面 ¥18
家鄉脆蘿蔔卜 ¥15
绿茶餐厅
營業時間：10:00-22:00
地址：建设路3018号1234space5楼（地铁老街站D出口）
鍋鍋牛雜 ¥52
綠茶蛋蒸肉 ¥22
大廚小炒肉 ¥48
杭風香鍋卷心菜 ¥26
田舍千叶豆腐 ¥25
龍井茶香脆皮雞 ¥48
綠茶招牌炒飯 ¥28
江南肉炒粉條 ¥28
伊人荔枝蝦球 ¥28
御街窩窩頭配外婆菜 ¥56
西湖堅果耦粉 ¥6
面包誘惑 ¥32
紅糖糍粑 ¥22
花田冰粉 ¥22
芒果冰沙 ¥15
楊枝金露 ¥18
西瓜汁 ¥16
龍風檸檬茶 ¥18
桃膠燕麥奶 ¥18
食完都差不多十點，所以去唔到東門町玩卡丁車，宵夜都唔買喇！個個都食到好飽。
唯有返酒店，酒店都近地鐵站，行過去是露天的，但你可以行入去商店邊，都有少少可以遮到，不過，地鐵口行去商店都是露天。
酒店有樓梯，亦都有斜路方便你拖喼。
桔子飯店（深圳福田會展中心店）
地址：深圳，福田區，彩田南路2032號海天綜合大廈 (地鐵：岗厦站 E 出口)
酒店有機械人送野，大堂亦飲料，我見到有人飲用，亦都有梳化。
問前枱比多支牙刷和拖鞋，原來亦都有小朋友的，真係好，但我地都帶定了小王子的用品，因好多酒店都係沒有小朋友用品。
我地附近的便利店買左支大水，原來酒店水係任攞，仲叫前枱比多張房匙卡我~方便啲。
一行6大2小，我訂左3間房，其中一個朋友與其他人不熟，所以同我地一家三口同房。
我係Trip.com訂，想訂一張大床和單人一床，這房型是大個大人入住，一個小孩免費。
唔知可唔可以3大1小入住，經Trip.com客服問左酒店可以，只要我地覺得唔迫就得。
前枱服務一流，有禮貌又有善，有問必答不黑面。
房間整潔，又智能，一開門就自動開窗簾，而且房不用插卡才有電。
桌上有一個〝小度小度〞，可以聲控叫佢做野。
厠所就細左啲，開門一步就馬桶，仲要關左門才可以入去沖涼，因為你開左門係入唔到去。
厠所鏡後係玻璃，放心落簾就望唔到入去，但當你關掉所有燈，只開厠所燈就算你落左簾都睇到入面。
房的電話只可以打去前枱，打不到去其他房間，有事就同前枱講，佢再幫你打去，勁麻煩，所以都係用自己電話算。
Wi-Fi你可以用酒店公眾的，不用密碼勁唔安全。
專屬你房內的Wi-fi，可以打開電視，在電視投屏內的右上邊就有顯示密碼，但這密碼隨你關電影會更改，所以每次你都要再連線一次，係麻煩，但安全。
大家梳洗完就去其中一間房集合，頭先團友係Kumo Kumo買左原味芝士蛋糕一齊食。
呢邊掛住玩，唔好玩咁耐喇！明天早起去食早餐。
沒有留言:
發佈留言