我成日都想單拖帶小王子北上食、玩，今日終於成真喇！星期六先決定的。
今早7點23分就出門口，很幸運一到九龍塘月台就有去落馬州班車。
過關亦好順利，9點鬆啲就出左福田口岸。
今日全日都係龍崗萬達廣場的Party Day玩，夜晚就去皇庭廣場食晚餐。
福田口地鐵去萬達廣場要成個鐘，所以我call車去。
小王子途中瞓左，緊係喇！尋晚又唔肯瞓，今早又早起。
大約9點半落車，就立即入去。
我正在搵緊路去Party Day，被我見到條天梯，咁我又排隊喇！差唔多十點，我望下天梯係寫住十點開，就去問職員開幾點？佢話十點，我話已經十點鬆啲，佢講國語又唔多明我廣東話。
我見前面有𨋢，於是我叫小王子去等𨋢，我繼續排隊睇下邊樣快，都估到𨋢係快啲。
離遠見到，就急急行過去，見到已有人係入面，但唔見有counter，又唔見入口，得出口。
咁我就走去Party Day有間食野小店去問職員，佢指點我迷津後。
起初急行，然後半跑，突然滑倒，我右手持電話重擊落地，手指公又紅又疼又痛，跌到坐骨神經又開始痛。
立即起身，見電話右下角的玻璃貼都碎左少少，好似電話本身個Mon都有點碎，唔理繼續帶小王子去玩。
原來天梯直達Party Day門口，我見商場職員仲整既天梯。
付款入場，職員話美團和現場買的票價是一樣的，平日是¥368〝親子嗨玩不限時門票(工作日)〞。
手持手帶，之後要用WeChat掃QR Code用¥2買保險，每個入場都要買，唔買保險你在閘口掃手帶都入唔到場，有職員在閘口幫你的。
Party day运动超乐场
營業時間：10:00-23:00
地址：平湖街道华南二道万达广场6F-A铺
入閘後就見到locker是免費先到先得，可以放到2個背囊，晏入場locker滿左有啲人就放上locker頂。
另外，記得帶防滑襪，某啲項目需要著防滑襪才可以玩，大人和小朋友都需要著，不過唔記得帶都可以即場買，我聽場內玩家講要¥25一對。
一入場我地就換防滑襪著到離場先換，仲有如你買全日票可以多次出入。
開Locker程序：
- 用WeChat掃Locker個Mon。(圖1)
- 然後按一下〝PartyDay智能儲物柜〞，就會顯示現在可以用的locker編號，選好後就會自動打開。(圖2)
- 我揀左NO.38。(圖3)
- 你每次想開既時候就去返圖2→圖3→圖4，就選〝中途開門〞，用完就關門就可以。
- 你玩完離開在圗4選〝結束訂單〞就可以。
場內分A-D區
A區：休閒區、飛鏢、體感游戲、台球、數字互娛、存儲區、真人CS、射箭、射擊、售票區、自助取票、周邊商店
B區：籃球、數未體育、蹦床、派對房、存儲區、衛生間
C區：保齡球、滑冰場、休閒區、存包/換鞋區
D區：卡丁車、碰碰車
我入場時都冇乜人，項目不用排，有啲直頭冇人玩添。
我地緊係第一時間去排卡丁車，因為網上話呢項最多人。
我地去緊去排隊，迎面職員叫小王子和後面小朋友去玩卡丁車，因為原來小朋友開左場，真係好彩不用等，咁我可以唔玩，小王子開心就可以，等佢玩完再排其他。
卡丁車隔離就係碰碰車，立即去排，剛開場，下轉就到我地喇！
碰碰車行前啲就是保齡球，開始多人，所以要等，這項目要防滑襪。
我地原本係6號lane，後來職員換左1號lane比我，佢話一號得一個人玩會快啲。
等緊時位置有2個Mon，一個播片，另一個有遊戲玩。
正常係打10局，但呢到係得6局。
小王子用恐龍第二局已經有分，但我打到第4局先有分，我最後反敗為勝。
Lane的球不多，得2個8磅，其他都是9磅或以上，好得5-6個球，仲要與隔離lane share，所以唔夠球。
小王子最鍾意玩槍，真人CS連續玩左2次，每次都同小王子不同隊，佢成日係我身後偷襲我。
每場8分鐘，玩到流晒汗，因為剌激，不過場唔大，玩第2次時我不小心跌倒，所以要小心。
好在小王子9歲，唔係就冇得玩，因為佢身高都冇140CM。
入到去聽完遊戲規則，就會隨機分隊~藍和紅。
槍上有你所屬的號碼，玩完可以出去跟據你的號碼睇成績。
佢仲想玩，差不多12點我肚餓了，再排我會餓死，所以去左跳彈床，可以隨時走。
係果到有個小朋友同佢一齊玩，所以唔肯走。
這些我都好想玩，但小王子唔玩我又冇得玩，因為我想有人陪我玩。
終於玩多一點幾先肯去食lunch，我plan左食呢間韓燒，但望入去一枱客都冇，問小王子又話想食，咁就入去。
點知一入去我行左2步就向前滑，應該因為冇客，所以冇開冷氣地下濕濕地，職員立即伸出手臂給我，但我怕我大力得滯，所以都係扶住傢俱入去，好在坐入門口第二張枱。
一坐低職員立即開冷氣，但都係唔夠涼。
八小碟，但都唔夠八碟，而且冇泡菜，不過，服務態度一流。
韩宫宴炭火烤肉
營業時間：10:00-21:30
地址：华南二道1号万达广场5楼5035号
我地都唔食南瓜，都試下南瓜粥，味道一般。
我的點是美團~超抵，以為完，跟住又上菜，真係多到食唔晒~有剩。
〝超值雙人招牌套餐〞¥169
秘汁黑牛五花肉 ¥58
宮廷吾桑格 ¥45
厚切五花肉 ¥42
黑椒雞腿肉 ¥29
烤什錦菌菇 ¥22
喬麥冷面 ¥25
可樂 ¥6
雪碧或七喜 ¥6
南瓜粥 ¥6
餐前菜 ¥12
生菜 ¥6
醬料 (2份) ¥6
炭底 / 電爐 ¥6
沒有喬麥冷面，換左石頭窩飯，好味，但油左啲。
小王子食多好多肉。
飯後甜品，不過小王子飽食唔落，咁我一個人食喇！
DQ·蛋糕·冰淇淋
營業時間：周一至周四,周日 10:00-22:00、 周五,周六 10:00-22:30
地址：华南二道万达广场3楼3061A号
小白杏開心果風味 ¥38
我試左新品，塊窩夫餅是淋，但雪糕滑唔甜，而且中間又有脆脆，美味。
食完飯要去買水，帶去支1L水都飲晒，但商場唔見有超市或便利店，小王子又心急去玩，佢話佢自己上去玩先，咁唯有一齊返回Party Day。
天梯開左，咁就搭它。
想扮超人？
一入去又係玩War Game，又係連續玩2次，食完飯回人多左好多人，排耐左，仲派卡，有卡即是下場到你。
飯前一場是約10人，飯後一場13人。
小王子走去彈床，我就排住隊，差不多到就打電話叫佢回來。
等到我了，原本係我與小王子2人，但後面個女人問可以入幾多人，佢想我地一齊入，我暗示我想只是我兩母子玩，佢堅持一齊，咁我問小王子OK嗎？佢話OK，咪一齊玩。
早上都叫佢玩溜冰又唔玩，而家先玩，勁多人，又係要著防滑襪，大人和小朋友都要用防護裝備。
小王子第一次玩，不用扶就已經自己溜，我都冇理到佢，可能因為佢識識地玩Roller。
我都二十幾件年冇玩，本身都唔叻，而家直頭唔多掂，好慢，龜速開動。
小王子第一次玩，所以我租左呢隻野，¥20 / 20分鐘，夠了20分鐘去還時，職員叫我繼續用，真係好。
自己坐住滑。
玩完溜冰就離開，都差不多7點，仲要call車去會展中心食晚餐。
HEA香港都好多人買，我都睇中左小朋友背囊，店員話個背囊係屬於¥398/3件內，但質地薄，所以冇買。
真係好口渴要買野飲先。
野萃山·分子果汁
營業時間：周一至周四 10:00-22:00 周五至周日 10:00-22:30
地址：华南二道万达广场1F-1032A号
兩杯都好飲，但我覺得我杯好味啲，太口渴眨眼就飲晒，小王子都話我快。
糖葫蘆草莓山楂酸奶昔 ¥24
實萃草莓酸奶昔¥28
買埋明天早餐就call車走。
唔知買咩，見有試食就試下，麵包入面有紅豆和麻糬，小王子試左就話買。
卡玛王子(龙岗万达LAB店)
營業時間：10:00-22:00
地址：平湖华南二道万达广场L1层1016A（万达广场2号门旁）
夜晚的萬達廣場都幾靚。
我call左半個鐘都未上車，第一架等左好耐都唔郁就問佢，先至話車冇電，再call，單不停轉來轉去，都係見架車唔郁，send 訊息又冇反應，又要取消再call，幾經辛苦先上到車，情況好似上次係廣州塔call車返酒店情況。
我同師傅講頭先call車情況，師傅傾計先發現有好多野。
佢地可能唔想落去深圳果邊，唔鍾意行果啲路，而且就到食飯時間。
👧唔鍾意可以唔接。 👦單係台派，師傅冇得揀。
👧師傅可以取消order架！👦師傅取消得多台唔派單之餘又會罰。
👧唔怪之得，上次師傅叫我取消order，話佢唔可以取消order喇！
👦客取消得多又會唔派車比佢，因為評級低。
👦有啲call車app你取消3次，第四次會收客錢。
晚餐食Pancake，但網上話平日2030打洋，我成8點鬆先上車預左食唔到。
落車都過左8點半，但我都去睇下博一博，點知未收，立即入去order，因為我已有心水。
周圍望又冇寫營業時間，唔通收9點？
我要趕9點半前離開，因為福田口岸1030收關。
食物都整左好耐，小王子點的pancake來先，食左3/4先來我的，我用9秒9 K.O.左。
9點鬆就動身走，去左盒馬每人買左支水，因為太口渴，間野又唔準帶外來野食。
這間一開關就想來，每次都冇時間，因為我鍾意食這類食物，質素沒有特別，價位中位。
松小芙‧松饼‧舒芙蕾
營業時間：1030 - 2030 (Mon - Fri)、1100 - 2100 (Sat, Sun)
地址：皇庭廣場B1层 39-2
草莓奶油松餅 (推薦) ¥58
經典幸福舒芙蕾 (招牌) ¥45
暑假小朋友由香港去羅湖/落馬州來回都是免費，但記得用八達逍嘟部機領優惠。
落馬州果部機係香港過關入閘前。
沒有留言:
發佈留言