穀物麥片工作坊@合味道

我平時都有飲開Kagome野菜生活，有次係Facebook見到佢有抽獎，所以我就參加左。

9月已經收到獎，雖然抽唔到我想中的獎，但都中獎合味道穀物麥片工作坊2名，已經好幸運。

我專登等到今日先去，因為今日小王子考完試等佢鬆下，加上係平日應該會少人。

小王子一回來，立即換衫出發。

我地去左工作坊剛好開始，唯有等下一班。

未夠鐘，周圍影下先。

合味道的三個工作坊的時間。

去商店睇下先。

小王子話肚餓去食少少野，然後上完堂後先去食lunch。

點知！行晒都搵唔到野食，連麥當勞都執左，最後去左7-11買朱古力食。

我地早左10分鐘入場，因為想周圍影下。

入閘後的地方都唔係好大，幾分鐘就行完，而且冇咩野影。

只要沿住地下的顏色線就可以搵到你要去的Workshop。

我的合味道工作坊 (藍色線)、出前一丁工作坊 (紅色線)、穀物麥片工作坊 (橙色線)

今日有好多小朋友同我地一齊參加Workshop，因為有學校參加，散客計埋我地得4個。

Workshop裡面比我想像中細，只有4張枱，每枱可坐8個人。

我地開工前要睇互動動晝。

睇完動晝，職員就來派穀物杯，再派用具和穀物配料紙。

小王子好認真揀。

我地係限時15分鐘內完成晝杯。

排隊等職員幫忙加料。

我就揀左呢啲配料。

加料後，封口。

最後就拎去packing就完成了。

臨走又影多幅先。