今日又去玩嚕！連玩3日，我一早就計劃好行程。
點解平日小王子唔駛返學？因為尋日小王子學校旅行，所以今日係學校假期，才可去玩啫！
今次去觀蘭玩一日半，再落福田玩一日半。
觀蘭去一次就夠了，因為覺得沒什麼好玩。
我地又係一早出發，過關就搭地鐵去觀蘭。
一出地鐵轉左手邊就係〝观澜湖新城MH MALL〞，但仲要行少少路先去到。
時間尚早，所以個場好靜。
观澜湖新城MH MALL
地址：广东省深圳市龙华区观澜街道广培社区高尔夫大道8号 (地址：觀蘭站B出口)
星際傳奇門口就有Locker，如有細件野可以暫存，不過好似要付費的。
星际传奇
營業時間：1000 - 2200
地址：高尔夫大道1号观澜湖新城MHMALLF3层L301室
入到星際傳奇冇人，只有一個職員，可以比慢慢玩，又唔駛排隊。
太耐冇玩唔太記得，所以問職員，職員話可以開微信小程式，然後係部機scan QR code，部機就會吐張臨時卡出來，臨時卡要當天還。
小王子想玩呢部機好耐，望勻全場又冇咩吸引，連Mine Craft部機都冇，所以比佢玩下。
今次大穫全勝。
蠃左4千幾票。
之後去左賽車，我同佢地玩左2局都輸，等佢地2父子繼續玩，周圍遊蕩回來仲玩緊。
原來蠃左一局，下一局就免費。
其實，我地頭先去〝湊湊火锅〞諗住食野，睇大眾點評資訊開10點。
職員話開11點，叫我地放低行李，行下先返來，我地決定食它，所以就放下行李。
玩完就去〝湊湊火锅〞接返行李，再醫肚。
湊湊火锅·茶憩(观澜湖新城店)
營業時間：11:00-22:00
地址：高尔夫大道8号观澜湖新城MHMALL4楼
小王子不停食生果。
美團冇團餐，所以就散叫。
湯底好足料，胡椒豬肚雞比番茄好味，不過，番茄有軟骨好食。
4人鴛鴦鍋：番茄牛膝骨鴛鴦、胡椒豬肚雞鴛鴦 ¥118
價錢唔算平，但食物質素好。
竹蓀蝦滑 ¥49
三色麵 ¥9
優惠自助 ¥9
特選牛小排 ¥138
牛腱 ¥49
椒香小酥肉 ¥29
金針菇 ¥19
冰大紅袍珍珠奶茶 (大杯) ¥24
黑木耳 ¥19
最後職員送上鳳梨冰，是免費的。
結帳時職員叫我用¥208入會，會籍一年，而且杯大紅袍又會免費，仲有贈卷，但就有限期，係香港都用得，不過，我話香港好貴，我都入左會。
食飽就call車去酒店，因為位置有點遠。
睇個門面好似好舊既酒店，入到去好在大堂都OK。
康鉑酒店（深圳觀瀾高爾夫店）(Campanile (Shenzhen Guanlan Golf Store))
地址：觀湖街道觀平路248號, 龍華區, 深圳
上到樓層都好新，我地房有半對門對住電梯，以前我一定會換房，但諗到可能職員見有小朋友，想方便我地，最後冇換。
酒店房乾淨，不過，冇雪櫃就差啲，冷氣夠，我覺得凍添！
拖鞋得2對大人，好在私火帶左對比小王子。
厠所冇咩特別，不過，嗽口杯是紙杯，而且小王子冇睇寫，係要除膠袋用，佢就連袋一齊用，真係激死。
放下行李立即call車去玩，因為比我預期遲左，現在都下午3點幾了。
我地去〝艾尼摩神奇乐园〞在這下車，因為它係觀瀾山水田園內。
我地係閘口掃QR Code買入場卷，單人RMB 50、親子RMB 80。
場內有其他付費項目。
初初開見Facebook有雜誌拍片介紹，睇左都OK，滿心期待，但失望而回。
不能多次出入場，入左去出去後就不能返回，仲諗住會玩好多個鐘買定野食，好在唔夠時間去買定野食。
地方唔算大，玩既野唔多，應該預約一小時都可以走人。
今日仲有2-3間幼稚園親子旅行，所以比較多人。
艾尼摩神奇乐园
營業時間：10:00-18:00
地址：观澜君子布环观南路观澜山水田园旅游文化园内（东侧)
備註：自驾定位到"观澜山水田园"南门/北门 或 牛湖地铁站D出口换乘巴士m2586到"君子布村口
我與老公排緊彩虹滑道，小王子就走去玩，佢原本係滑下來，但太熱尾聲時Pat Pat頂唔住要行落嚟！
彩虹滑道，我睇游戲須知，幼稚園生不可以玩，因為要10歲以上、身高120cm以上，但全部幼稚園生都可以玩，不過，有個隨行的弟弟真的太細，不懂自己握手挽，所以冇得玩。
這是單人滑的。
玩左2次滑彩虹，親子旅行團都要回程了，所以個場冇咩人。
小王子好鍾意跳彈床。
跳到攰又休息下。
又去玩其他野。
場內大概就係得咁多野玩。
當日好熱。
這個小王子都好鍾意，但就要辛苦爸爸了，不過，我影完相都有去出分力架！
小王子身後的小妹妹也是香港人。
場內有間士多，咁熱緊係食雪糕喇！這杯要 ¥10。
時間唔早，要call車去〝观澜湖新城MH MALL 〞食晚餐。
地點太偏僻，所以等左好耐先有人接call。
接駁巴士唔知真定假，因為都唔見有車。
Plan行程時問老公想食滷水鵝 OR 牛腩，佢就話滷水鵝，所以我就揀左〝居竹〞。
這餐我地很滿意，尤其2位老闆，小王子仲食左好多野。
我地叫左美團好抵，個餐 ¥115.5，但買完再入去睇變左 ¥188，再買就貴左，優惠只得一次。
滷水拼盤 ¥78
普寧炸豆干 ¥19
豉椒炒花甲 ¥49
蒜蓉潮汕白菜 ¥30
沙白咸菜湯 ¥49
石板大米 (2份) ¥10
紙巾 ¥2
茶水 (2位) ¥10
居竹·地道潮汕菜
營業時間：11:00-14:30、17:00-21:30
地址：高尔夫大道8号观澜湖新城MHMALL负1层B102号
我地另外加了，老公喜歡的〝香煎墨魚餅 ¥39〞。
影張相先
夜景
我要買早餐，搵唔到想食既，老公就提議去超市，最後買左個蛋糕仔和水。
剛才我係麵包店影相，老公話有個職員衝去收銀到話唔可以影相，但又冇人同我講，老公講完我就冇影，我都係影左2幅。
The Patio Market 巴迪奧超市
地址：深圳市龍華區观澜高尔夫大道8号
每次都必食的。
喜识‧冰糖葫蘆
營業時間：1000 - 2200
地址：高尔夫大道1号观澜湖新城負一樓
沒有留言:
發佈留言