今早我plan左自己去西門町的如邑堂和老天祿滷味，然後回來酒店附近興波咖啡嘆咖啡和早餐，尋日阿嫂和娣婦知道就決定join我一齊去。
早上8:30出發西門町，我第一時間就緊係再去Rainbow Six打卡喇！前日太多人了。
今日咁早都有人，雖不多，但影好耐，阿嫂等人走開就幫我企左係彩虹內，當我OK，佢就彈開，相旁邊都有人，我執走左。
早上的西門町沒什麼人。
我好鍾意食太陽餅和鳳梨酥，上網做左功課話如邑堂的好吃，所以我緊係去朝聖下。
入到去最遠處見到好多盒，好似貨倉咁，店內又有枱，其中一張已有幾個人坐著，心諗唔係冇得賣呀！
有人過來迎接，我地坐下就問我地想試咩？但由於有啲貨未返，所以有啲試唔到冇買。
阿嫂對甜食唔多喜愛，所以只係試左芋頭酥。
如邑堂 台北開封店
營業時間：0800 - 2200
地址：台北市萬華區開封街二段22號(近西門町)
有自家食和手信。
阿嫂和娣婦都要去老天祿滷味，我在網上資料是開9:30，但店貼住是10:00，咁就等下，等等下想去洗手間，就去左附近的Donki，順便買藥，因為我有點感冒。
我地係Donki搵唔到藥，問店員，佢話要睇下藥劑師在不在，佢回來話要下午才回來，所以我不能買藥，這是台灣的規定，買藥要有藥劑師的。
我地回去時已經開門排隊了，佢地去睇要咩，因為我唔買就排隊。
你買之前最好諗好買咩，因為職員面口唔多好睇，會黑你面的。
我仲諗緊仲有幾日點拿回香港，因為要雪，原來佢地係買來回去食。
老天祿滷味
營業時間：1000 - 2200
地址：台灣台北市萬華區武昌街二段55號
表姐話之前佢食聖保羅，但食過紅櫻花食品之後就不再吃了，所以來幫佢買台灣Q餅。
一入去就有得試食，好在試食左，原本我想買，試過後就不了，覺得乾。
結帳時職員仲送左幾個比我地試，不過，食用日期就過，所以叫我地要快啲食。
紅櫻花食品 西門店
營業時間：10:00–19:30
地址：台灣台北市萬華區成都路49號
我地到〝興波咖啡〞差不多11點，堂食要排隊，外帶也一樣，最後阿嫂和娣婦買左咖啡商品就回酒店。
興波咖啡 Simple Kaffa Flagship
營業時間：1000 - 1700 (無公休)
地址：台灣台北市中正區忠孝東路二段27號
我地返到酒店品嚐完老天祿滷味就出發去〝MITSUI OUTLET PARK 林口〞，肥阿哥嫌搭捷運嫌時間耐，所以就call車去，係台灣都可以用到〝Uber〞，係香港冇用過，估唔到第一次就在台灣用。
我地分3架車，我的與他們落車點不同，而且我的先到，所以有少許時間行一陣。
我選這Outlet地點比較好，但喜歡的品牌產品不吸引，而且比香港貴，所以來次就夠了。
MITSUI OUTLET PARK 林口
營業時間：週一~週四 11:00~21:30、週五(包含例假日前一日)11:00~22:00、週六~週日(包含例假日)10:30~22:00
地址：台灣新北市林口區文化三路一段356號
我來台灣其中一個想買既係烘焙書，誓估唔到小王子收穫比我多咁多，原來書是沒有退稅的。
誠品書店
營業時間：星期一至四11:00–21:30、星期五-六、日11:00–22:00
地址：1/F樓MITSUI OUTLET PARK 林口
大家都肚餓就去Food Court醫肚先，小王子食牛肉烏冬。
我食叉燒拉麵，老公的沒有影，因為佢又係冇食早餐，好肚餓。
食飽再行下，我帶阿媽係商場搵位坐低就周圍行下，小王子都話唔行，所以陪婆婆。
我好快就行完，阿媽坐既位置對住Mister Donut，緊係又食一個喇！
台灣的朋友問我係邊個Outlet，居然好近佢屋企，所以佢就介紹我去附近睇櫻花。
好多人就在〝Starbucks〞打卡，老公話行入啲應該都有，咁真係啵！
這間Family Mart有洗手間，我地用完就幫襯食雪糕，同櫻花好襯，而且好好味添！
青花驕可以網上訂位，但由於我地人數眾多，所以只有打電話去book。
阿嫂幫手打去訂位，我應該比錯左電話佢，所以阿嫂訂的與我行程的不同。
我地去到光復南店，店員話沒有我地的訂位，再比佢睇，店員話係中山北店，阿嫂打去中山北店講我地既情況，然後立即call車去。
青花驕麻辣鍋台北中山北店
營業時間：星期一至五11:30–01:00、星期六、日11:00–01:00
地址：台灣台北市中山區中山北路一段137號
丸
海鮮
當然要啤啤佢喇！甜品是送的。
剛才落車表姐見到Daiso就話要去買毛巾，佢話好好用，食完仲有半小時就關店，我地立即衝過去，結果都係搵唔到。
大創百貨 南西店
營業時間：09:30–22:30
地址：台灣台北市中山區南京西路1號1樓
沒有留言:
發佈留言