我和小王子都考完試，就趁這個端午節假期去深圳玩3日2夜。
我係山姆睇中左食物處理器、破壁機和雪糕機，這3樣只有全城配，尋日配落單送去酒店。
今次約埋朋友一齊去玩，但就4分批人上來深圳，然後會合一齊玩。
今日就我一家三口上來玩先，然後明天中午有個朋友上來join食中午飯，晚餐再分2批人，齊集一齊食晚餐。
今次旅程有個特別任務，就係有朋友生日，所以我負責訂蛋糕。
我係大眾點評搵左3間烘焙店，全部都沒有在線資詢，因為朋友唔食朱古力，又有些事現在唔食芒果，我要問清楚蛋糕是用什麼做才敢訂。
於是我係微信和小紅書搵佢地既公眾號，只有一間有回覆，這間蛋糕覺得超水準，詳情往下看。
今次都係住桔子酒店，因為住過幾間，還是它最好。
我趁大堂無人就影下，平時超多人架！介紹大堂先。
張梳化：有幾張，但我每次都沒坐，因為我負責check-in，check-out當日回來又要執行李，所以無時間坐。
窗邊的櫃和架：是放外賣或快遞的地方。
厠所：好隱瞞，就在快遞架旁，即是梳化位後面。
飲料：有咖啡機、水機、有檸檬水。
充電寶：在飲料旁。
機械人：這裡有機械人服務。
桔子饭店（深圳福田会展中心店）
地址：深圳，福田区，彩田南路2032号海天综合大厦
地鐵：岗厦站 (E 出口)
之前已經沒有影房間，因為住過太多次，但今次我很喜歡它的房型，而且是望街景，所以又分享一下。
今次房有長梳化之外，仲有張長枱，如果你叫外賣的話就不用怕，一定夠位，平時係小圓枱。
上次開始有2支室溫水，而雪櫃就有2支凍水，可能是夏天關係，不過唔夠水都不要緊，因為你去前枱是任拎的。
我唯一不太滿意就是掛衫的地方，這個形式掛衫是不好用的，只有6個衫架，我喜歡傳統的，如果住多幾日就唔夠用。
浴室就同之前的差不多，老公好喜歡這裡的雨淋式，因為佢話水力夠，而且我覺得水溫都好夠。
放下好行李，安頓好後就出發嘆咖啡、食早餐。
我想去的咖啡店，位置就在上次住秋果對面範圍，所以就由酒店行過去。
營業時間：24小時
地址：深南大道卓悦中心东区L128号铺
地鐵站：崗廈 B出口
我怕小王子肚餓，所以佢揀好就立即幫佢點餐先。
韓式冰沙 (水果味)：¥28，有3款口味，小王子選了芒果，佢話好飲，但我就覺得麻麻。
火腿芝士可頌：¥24，小王子超讚。
開心果巴斯克：¥46，老公原本什麼也不吃，因為時間早，佢食唔落，但佢話可能2點先食，佢好唔情願選了它。
覺得蛋糕沒什麼特別，老公想快些走，因為佢不能聞咖啡味，佢會嘔，但我的東西還未來呀！
小王子點了我想點的可頌，唯有點貝果，但估唔到遲遲都未來，我追了2次單才來，等到咖啡也涼了，不過，咖啡也是很遲才送到。
整體店的食物質素是好，但等得太久，所以沒什麼必要都不會再來。
香草拿鐵：¥37，初喝下沒什麼特別，但慢慢飲出咖啡的味道來。
咸蛋黃肉鬆貝果：¥38，貝果是溫熱的，吃到肉鬆好好味，但吃不到有咸蛋黃。
我見行返落去崗廈與近排很火的the Rolling好近，所以上去睇下，都不用怎樣排隊。
我行埋去睇下，蛋糕體薄，而且蛋糕表面有好多泡泡，感覺一般。
我沒有買，因為還有2天先回港。
一出地鐵左手邊就是，但地鐵B出口要行樓梯。
星期六，2個大人1個小朋友¥218，全日可以無限出入。
我12點多就到了，在場內人唔多。
光盐家庭数字运动中心
營業時間：10:00-22:00
地址：南国大厦星光广场二楼
地鐵：园岭地铁站B口
我有租locker，押金¥20，當你交還locker手帶就會退回¥10給你，可能我微信是香港電話登記，所以退不到錢，後來佢付我現金¥10。
Locker就係你面對前枱的左手邊，有排抓娃機直入，還有2-3張長枱仔和幾張櫈，你可以叫外賣來吃，或者幫襯店內有小吃部，因為附近都沒有什麼野食，樓下有間Cafe和KFC。
放好東西，行返出去，另一邊就是入口，果到有櫃比你放鞋，可以自己帶防滑襪，因為有些項目是需要有防滑襪的。
小王子一見波波池就飛撲落去。
場內都有男女厠所，門口有拖鞋提供。
小王子唔喜歡3D和4D，但我都要佢玩，佢真係玩玩下除下VR眼鏡，旁邊妹妹不知幾淡定。
自己控制抓泥機，抓到扭蛋波只可以帶走一個。
前枱旁可以微信、支付寶和京東app，都可以用現金，但兌弊機不設找零。
鴨唔夾喇！之前街上有好多打卡都送，小王子夾另一部。
幸運地夾到2隻，當然不是連續夾到，第2隻我未預備就夾，所以錄唔到。
由於我肚餓，所以玩多15分鐘就出去食野。
我搵到行10就有間八合里，所以就行過去食lunch。
八合里牛肉火锅(八卦岭店)
營業時間：11:00-24:00
地址：八卦一路八卦岭工业区3-1小区六栋美食街首层南1号
地鐵：园岭地铁站A出口
我地叫左個¥198必打雙人套餐，全部一份。
鍋底 (牛骨清湯鍋底)：¥20
千層毛肚：¥20
匙肉：¥38
吊龍伴：¥38
精選嫩肉：¥32
熟牛筋丸半份：¥16
蔬菜雙拼：¥18
現炸腐皮卷：¥18
河粉 (需涮煮)：¥10
自助醬料費 (2份)：¥12
紙巾：¥2
我地再單點：
招牌肥牛：¥34
河粉 (需涮煮)：¥10
至尊牛肉三拼：¥68
食完再返去玩，就好多人，玩到衫都除埋。
有職員教你打高爾夫球。
夜晚帶小王子去朗玩·轰趴馆玩，所以就約左住附近的朋友食晚飯。
我地5點幾出發去壹方天地，但天氣太熱行過去途中去買野飲。
今次小王子請，因為今朝我比左錢佢旁身，第一次請客。
我地去左取籌先，然後老公話要去小米買左充電寶。
小米之家（壹方天地店）
營業時間：周一至周四、日1000 -2200；周五、周六1000-2230
地址：龍華道人民路鴻榮源壹方天地B區L2（卡朋隔壁）
地鐵：龍華站A出口
我有幾個選擇，老公就揀左食烤肉，朋友都話好，因為佢都好耐冇食烤肉。
朋友叫店員有沒有調味料，店員話在外面，但可以幫我地攞，我地每樣都要一啲。
我地等左一小時多啲才有位，這裡是用炭的，但要自己燒，我地坐既位置有點熱。
嘻游记·厚切烤肉(壹城中心店)
營業時間：11:00-21:00
地址：人民路4022号壹方天地A区1层L1-045号（近3号门）
地鐵：龍華站A出口
點知店員每樣都拿左一大碟。
我地叫左家庭聚會四人套餐DE¥397，兩父子叫左汽水，而朋友就叫左2杯爆檸，但太大杯，所以我地又飲左一杯。
我寫的時候才發現，餐有8款肉，但我相只有7張，我應該無影漏，而且餐是有雪糕，又無比我地。
師傅愛吃的炒飯 (原味)：¥26
魚餅海帶湯：¥28
澳洲和牛小肋排 (150g)：¥108
厚切王 (標準份) (120g)：¥99
粒粒孜然小牧牛 (130g)：¥69
人參二師兄 (豬梅肉)：¥78
厚切秘制雪花梅肉 (175g)：¥39
厚切黑金豬五花 (150g) ：¥49
龍眼大悅 (120g) (牛五花)：¥49
厚切雪花松阪肉 (130g)：¥36
食完晚餐就同小王子行去朗玩·轰趴馆，估唔到夜晚十點幾Pokemon部機都咁多人等。
我地排隊，小王子就玩其他game。
朗玩·轰趴馆
營業時間：1000 - 0200
地址：壹方天地C區1-3層
地鐵：龍華站A出口
終於等到了，佢玩左幾鋪又走左去睇夾公仔，叫我代佢玩，我幫佢捉到隻佢想要既。
捉完Pokemon就落左下一層去夾公仔，小王子又有收穫。
我返到酒店就見到了，但太攰冇試機。
沒有留言:
發佈留言