我預左自己食早餐，因為尋晚好夜先回酒店，返到酒店執下野，再梳洗零晨2點先瞓。
我真係一個老人家，瞓6點到就醒左，起身見到落雨，但唔大，諗住約8點就出發去買咖啡，然後到酒店食早餐。
等到8點幾，突然落好大雨，就打消念頭，hea到9點多才去食早餐。
我諗住遲去就冇咁多人，點知都係要等位，好在我得一個人好快就搵到位。
我差不多回房時就打電話叫兩父子起身，然後就出發去玩。
由於今日要等朋友來，所以都係在酒店附近游盪，就益左小王子，又可以去領展中心城的反斗樂園捉Pokemon。
領展中心城的反斗樂園捉Pokemon機上次已見到3部機其中一部係貼了每人只可以玩一鋪，我排緊中間果部，見佢地玩左好多鋪就走去問職員，原來只有貼左紙果部先係每人玩一鋪，其餘兩部又係要等到人地唔玩才可以到下一個。
於是我立即話貼了紙果部的人玩左好多鋪都沒有離開，職員話佢玩完冇走你再話我知，我遠望見到佢完game，咁我立即同職員講，一齊行過去，但果個人無理會。
我見果個玩多一、兩鋪後就起身了。
反斗乐园(领展中心城店)
營業時間：
周一至周四,周日 10:00-22:00、周五，周六1000-2230
地址：福華1號3號領錢購物廣場M層64B
地鐵：會展中心站B出口
小王子玩左幾鋪就叫我幫佢玩，到捉精靈時，點知被我擲中M精靈，全盤內只有一個，可惜2隻都是渣野，真係浪費晒！
終於收到朋友通知已經到了，叫她入去坐低等我地來。
剛才我都有行過見食店沒有不用排，所以我冇拎籌，現在門口已經很多人了。
這店是食潮州菜，枱上有個籃仔，店內有個位置擺了已煮好的食物，你想食邊樣就將食物前的牌放在你的籃內，然後交比店員就會幫你落單，而有些菜式就在桌上的餐牌上。
整體覺得海门鱼仔·潮汕味(COCOPark店)好吃一點，下次有機會帶朋友去試下。
這裡茶位 ¥5，小朋友也要付。
码头见·潮汕菜
營業時間：11:00-14:00、17:00-21:00
地址：福华一路领展中心城G层008A铺
地鐵：會展中心站B出口
蔥油餅 ¥10：小王子好鍾意食，食左2件。
涼拌花甲拼青口¥55：覺得味道淡一點，整體OK。
乾貝竹笙湯 ¥26：味道剛好，小王子自己飲晒一個。
這2款沒什麼特別，水準正常。
營業時間：1000 - 2230
地址：福华一路领展中心城M层RM029號鋪
地鐵：會展中心B出口
我地現在行返酒店，但我有點肚餓，就去左地下街卡瑪王子買包，小王子買返上次果個。
朋友想試麻薯，每款買左一隻，不過，你買前一定要諗定，因為佢地好趕，好多人排隊。
頭先返酒店朋友check-in，後來我地房一齊食包包，全部都好食。
我地係酒店hea一陣就出發去食飯的地方，另外，有3位朋友現在由香港來緊。
我約好晚上8:30送到晚飯地方，騎手將蛋糕安全送到。
沒有留言:
發佈留言