大鵬所城+燈塔圖書館

〝大鵬所城〞想去好耐，但太遠，call車覺得有點危險，有人覺得好一點。

今日趁暑假小王子可以陪我，而又係平日，所以就去〝大鵬所城〞。

跟住去埋之前去海山公園漏左既〝燈塔圖書館〞，夜晚約左朋友食飯，今天很充實。

今次去羅湖過關，終於搭到多啦A夢的列車。

我坐到去地鐵去到小梅沙，然後call車去〝大鵬所城〞。

我係小梅沙地鐵D出口出，但係圍晒板，加上落過雨，地下有水氹。

我見對面地鐵站口是A出口，回程call車在這，D出口要行一段路先到。

我一直行去小梅沙沙灘定位call車，於是問閘門的護衛，他教我定位係售票處就可以。

落車就見到好空曠，有小攤檔，但未開。

大鹏所城

地址：大鹏所城南门东路3号

備註：我call車目的地係南門

一直行到盡頭轉左，再直行就見到呢間Cafe。

行到盡頭應該係南門城樓，但我聽到人講崩塌了，晚上聽深圳朋友話上次大暴雨時塌了。

原本想係到食早餐，然後放低小王子，不過，係咁出地方，有點唔方便，所以都係行入去另一間。

Cafe前就見到所城出入口，但行入去望下唔多似咁，所以我行相反方向，然後用百度導航。

左兜右兜終於行到另一間Cafe。

後來我自己去影相周圍行發覺，剛才選這個入口才是對的。

走的時候從這裡出城，真的近好多。

我見到個名就成日諗起近日電視播的〝繁花〞，但我一集都冇睇過。

flora coffee 繁花记

營業時間：10:00-18:00

地址：南门街40号

店內除左可以飲咖啡，仲有產品。

等緊野食時，我就起行去影相先。

當我想返去睇下有野食未就收到小王子電話，野食已到。

食物質素好，但覺得價格都唔平。

阿芙佳朵 ¥38

滑蛋培根可頌 ¥38



雞肉洋蔥圈 ¥28

芒果椰椰 ¥30

享用完早餐就獨自再出發，店員話現在唔忙，可以幫手留意下小王子。

店員話呢到有好多人打卡，我都又來下先，店內推門可以出到來。

周圍行完就回去接小王子。



〝大鵬所城海防展覽館〞，我專登留返呢到帶小王子一齊來。



我地出發去下一站〝燈塔圖書館〞。



天氣太熱，想去較尾場都無能為力了，call車走人。

今轉call車出現好多阻滯，係南門call車，有人接單，等左幾分鐘都見佢唔郁，就Text佢，點知佢話車壞了，叫佢取消單，又唔取消，最後都係我取消，再call車。

第2次又有人接單，但係等左幾分鐘，佢就彈我單，再轉左另一個。

第3個來到，我一上到車，師傅話見你企左係果到好耐，我講左個情況佢知，佢話可能近，所以啲人唔接單，但都成¥50車資都唔少喇！

差不多落車又落雨，師傅係近地鐵站口放低我地，就直奔小梅沙地鐵口。

灯塔图书馆 

營業時間：周一,周三至周日 12:00-19:00

地址：广东省深圳市盐田区海景二路1019号

入面好多人係到涼冷氣，但又不是太涼，尤其是頂層，好似焗爐，一上去就走，沒有望清楚。

落一層都有冷氣，職員突然關掉了，最涼是最底2層。

今晚約左朋友係卓悅匯，所以就係這間星際傳奇玩。

有2部Pokemon機，但有部冇卡，得返一部排隊，所以小王子去左玩其他。

佢自己玩，我就去買野飲先，回來見佢玩Pokemon。

星际传奇

營業時間：周一至周四,周日 10:00-22:00、周五至周六 10:00-22:30

地址：广东省深圳市福田区中康路126号卓悦汇购物中心3层-17a

小王子要飲煲珠公，我諗唔到飲咩，就買杯大一齊飲。

煲珠公·老红糖珍珠奶茶(卓悦汇店)

營業時間：10:00-22:00

地址：卓悦汇负二层

小王子唔餓，但我有點肚餓，買個包食先。

BreadTalk面包新语(卓悦汇店)

營業時間：10:00-22:00

地址：上梅林路交汇处卓悦汇购物中心负二层B2-04



小王子喜歡企鵝，所以夾一隻比佢，我仲有夾水豚架！但夾多好多次都唔得~放棄了。



夾完返去就見到朋友已企左係小王子旁，時候不早，去食晚餐先。

平時我斷食，朋友晚上唔食澱粉質，我想食簡單一點，點知小王子唔食粉，最後選了越南餐。

之前已經食過其他分店，品質不錯，尤其是炒飯，小王子超愛，不過，雞串就麻麻地。

馬拉盞通心菜 ¥33

香茅檸檬燒雞串 (大) ¥29

越式冬陰公湯 ¥69

馬拉盞豬頸肉炒飯 ¥39

越小品·越南餐厅(卓悦汇店)

營業時間：10:00-21:30

地址：广东省深圳市福田区中康路126号卓悦汇购物中心B1



小王子又要飲野，用程式落order，等通知去取貨。

超A芝士葡萄 ¥22

古茗(福田卓悦汇店)

營業時間：10:00-22:00

地址：梅林街道卓悦汇商场负一楼B1-A（上梅林地铁站L出口）


飯後甜品，但冇〝糖喜‧冰糖葫蘆‧厚切酸奶〞咁好食。

V11牛乳冰淇淋

地址：卓悦汇购物中心北区(上梅林地铁站L口旁)

頭先去卓悅匯的百佳永輝買酸奶，到付款時問職員有沒有冰？她說沒有，所以只有朋友買。

最後我都係要去皇庭廣場買酸奶，仲諗住今次尾站可以唔係皇庭。

咁就順手幫老公買牛丸，有一個款轉左包裝，好在小王子搵到，佢仲搵到新野手打牛筋丸。

盒马鲜生(皇庭广场店)

營業時間：周一至周四,周日 10:00-22:00 周五,周六 10:00-22:30

地址：福华三路118号皇庭广场B1层