澳門+珠海 Day 4

我見今日行程很鬆動，所以比兩父子瞓晏啲。

我係小紅書睇到珠海的景山公園有滑道，所以排到今日可以去玩了。

景山公园-景山三特索道售票处

營業時間：周一至周五 9:00-18:30 （18:00停售）、周六至周 日9:00-19:30 （19:00停售）

地址：吉大海滨北路景山公园内

好多人排隊，天色開始黑好擔落雨玩唔到。

套票分3種，索道套票(纜車上山+滑車下山)、索道套票 (纜車上山+纜車下山)、索道單程票 (纜車上山)。

老公排隊，我就周圍睇下、影下。

望過去就係優和匯。

我買左纜車上山+滑車下山的套票：成人票¥80/人、兒童1.1米-1.5米¥50/人。

真係買完就落雨，仲要越落越大，等左半小時先停雨。

我地隨人群去排隊等坐纜車。

上到去遠眺就見到珠海大劇院。

落左纜車跟指示行上山，再落山就見到滑道入口，原來就係剛才落纜車個位，真係激死，行左個大運。

上到去又落雨，所以要等停雨先開車，又浪費左小時。

每卡車都被雨淋濕晒，所以職員每卡車用布抺乾。

工作人員話電話唔可以拿出來，所以求其影張就立即要登車。

職員會坐頭卡，因為佢要控制車速，仲會不時向後望，尤其是轉灣位一定望。

一卡車坐2個人，一前一後，坐後面的要全程雙手壓住兩邊的控制杆。

卡與卡之間沒有連接，應該是靠滑下時的衝力推動向前行。

好似我地一家三口，老公自己一卡，而我就同小王子一卡，不會與陌生人同卡的。

滑下時突然見第二卡有個人一直用手機拍片，佢應該係偷偷地拍。

老公話我應該重得滯，因為試過我的卡與老公前面的卡分開了，我大叫後，唔知係咪職員減速，之後又貼在一起了。

小王子好驚，我全程都用雙腳夾實佢，攪到我玩完對腳好似做完運動有點酸軟。



我地立即call車去愛情郵局，因為小王子有點餓了。

愛情郵局

營業時間：周一至周五：11:00-21:00 、周六至周日：10:00-22:00

地點：情侣中路灯塔旁

前面就是〝爱情守护塔〞。







〝爱情守护塔〞太多人影左幾張又打左卡就去〝愛情郵局〞參觀一下。

〝愛情郵局〞有兩個入口，一邊係Hello Kitty入口，上到去就是賣精品，另一個入口是有小王子裝置，上到去是Cafe，兩個入口上到去其實是共通的，而且上面有個郵筒可以寄信。

愛情郵局旁就是〝珠海情侶海濱浴場〞


今天最後一站就是〝珠海印象城〞，睇相就知道要來這裡做咩！

珠海印象城

營業時間：10:00-22:00

地址：珠海市香洲区明珠北路338号

上次肥細老話呢間佢之前去上海考試都常飲，佢話好正，咁我地就試下先。

我地拎埋去食lunch地方，但個餐有野飲，所以杯野擺到食完lunch先飲。

雖然沙冰都溶左好多，但仍然好飲，如果即飲仲正，我喜歡小王子的芒果酸奶奶昔多一點。

黑加倫葡萄干酸奶奶昔 (大杯) ¥22

芒果酸奶奶昔 (大杯) ¥23

茉酸奶 (珠海印象城店)

營業時間：10:00-22:00

地址：明珠北路338号印象城1楼

我以為係西餐廳，來到原來係西式快餐，好似薩利亞形式咁。

店內有自助飲品吧、調味料吧。

這店食物好吃，價格又唔貴很平民，而且服務又好，可以再來。

意大侠牛扒厨房

營業時間：1000 - 2200

地址：珠海市香洲区明珠北路338号珠海香洲印象城商铺第03-12号

我地叫團購左〝3-4人繽紛家庭餐 ¥199〞。

牛肉蔬菜沙拉 (1份) ¥29

我買團購前問左店員有冇小吃拼盤，佢話冇，我即時唔知點好，因為小吃3選1，只係食小吃拼盤。

原來因為小吃拼盤內的炸魚售罄，咁啱了我地都不吃魚的，店員換炸蟹柳比我地。

大滿足小吃拼盤 (1份)  ¥39

呢個Pizza好食，我地每人食左3件，小王子仲超讚。

芝士雞蛋薄披薩 (1份) ¥59

Pizza可以拉絲

主食揀左3個扒，我地座位望到廚房，老公見到廚師煎扒，然後剪去燶左位置。

谷飼西冷扒 (1份) ¥79

谷飼牛板腱 (1份) ¥69

香煎牛仔骨 (1份) ¥59

甜品是雪糕有3款味，但士多啤梨味沒有了，我地又唔食朱古力，所以全部都要焦糖海鹽。

焦糖海鹽味雪糕 (1份) ¥11

今朝已order左山姆的極速達送貨到酒店，早上8點幾落，9點半前已送到了。

現在來是因為未來過，而且有些貨不能極速達，所以要來實體店買。

山姆会员商店

營業時間：09:00-22:00

地址：明珠北路338号珠海印象城1层

今日有好多試食，而且買到我與小王子都喜歡的低卡曲奇。

離開山姆後上一層就見到有零食店，入去行下打發時間，因為小王子肚痛，老公帶左佢去厠所。

見到有好多酒辦想買，因為有啲可以用來整蛋糕或麵包，老公叫我買，但我怕唔可以過關帶回香港，所以都係冇買，最後只係買左少少零食。

RDD(环宇城店)

營業時間：10:00-22:00

地址：环宇城负一层

我出去商場門口的奈雪定位call車，終於等到車仲有一分鐘就到，但等左一陣都唔見，突然電話響起，司傳問仲要唔要車，我話要並已經在指定地點等你，最後佢話佢係公車站，我立即走過去。

落車佢停左係酒店閘外話到了，我話未到，老公叫入去，我話佢入既話頭先接我地既時間佢就唔會要我地自己走去公車站搵佢喇！所以我話落車，然後負評和拉黑他。

司傳打電話來的時候態度已經唔好，仲要去唔係我定位的上車點接我地，落車也是，我咁耐都未遇過咁衰的。

我地行拎住野行左幾分鐘返酒店，好在沒有下雨。

返到酒店就取回行李，然後同大堂職員講要去港珠澳大橋口岸。

等左一陣就有車，而且司傳好好人，仲係講廣東話。

佢教左我地下次再來，係拱北關口就早10分鐘通知酒店，而港珠澳大橋口岸就早15分鐘，酒店就會派車來接。

我地第一次搭金巴，大人先可以係自動買票，而小童就要去人工售票。

金巴可以係H11或H12出，覺得比搭環島巴士快，下次來都係坐金巴好了。