新春澳門遊2025

今年新年沒有去什麼地方，今日終於出動了，因為想避開人流。

今次我選擇去澳門，但估唔到去到港珠澳大橋居然去澳門的人多過去珠海很多。

珠海都不用排隊上金巴，而我去澳門等到第4架才上到車。

今日我不知為何電話的Google map定位出問題，所以今日上半場都是靠小王子開電話導航帶路，下半場過氹仔搭財仔車就可以。

今次自助機購票有工作人員協助，不過，我地有上次的經驗，所以就自己來。

金巴落車過左澳門海關，行出大門就有指示財仔車的方向。

我要去葡京，所以就搭上葡京的財仔車去新葡京。

新葡京落車就行去葡京。

如想買樂宮曲奇就可以由下面的側門入，就在入口的右手邊。

店內除了賣曲奇，仲有舊式西餅。

上次試左杏仁都好味，所以今次買腰果和杏仁味，2罐都買中size。

曲奇有小、大、中三款

小：0.2kg，55mop

中：0.5kg，110mop

大：1kg，190mop

樂宮餅店

營業時間：0800 - 1900

地址：舊葡京酒店地下-1（1層進大門後左邊下樓梯）

離開了葡京就行去食綠茶雪糕，但到左地點都唔見間舖，係四周搵左好耐，最後放棄，因為記得大三巴也有一間，一陣行去大三巴，現在去食小王子期待的Burger。

唔覺意去到過個打卡點，已經有好多人在此打卡。

路經以前來澳門基本上都來的禮記食雪糕。

終於去到Dino Burger了，我立即入去買，因為已經有好多人等餐和order。

DINO BURGER 塔石店

營業時間：11:30-19:55

地址：西墳馬路富安大廈地面1C（荷蘭園OK便利店轉上西墳馬路斜路第一家店）

等緊野食，周圍行下。

這店沒有堂食，老公發現斜對面有個公園仔，提意一陣過去食，當然我地離開時會執拾乾淨。

我周圍行完都未有，就入去店問，回覆是還欠薯條。

我就叫老公和小王子去斜對面公園仔等我，因為小王子都攰等佢坐下。

小王子指定要再來，不過，今次去近大三巴果間分店。

我哋都係order返與上次一樣，但覺得氹仔果間好食啲。

經典雙層芝士和牛漢堡MOP78

黑松露烤蘑菇芝士和牛漢堡MOP83

套餐：薯條+汽水MOP25

現在行去大三巴食甜品。

大三巴超多人，落到底回頭望，滿是人。

我個Google Map有問題，就靠小王子導航，不過，我覺得不是我想去的，但唔想再行就試一試。

我付款時問左店員，真的不是我心目中果間。

這店有2個舖位，左邊是賣特式食品。

澳門抺茶 Macau Matcha

地址：澳門福華巷10號成業大廈地下A座 (大三巴總店)

右邊是雪糕和飲品。

雪糕抺搽味唔夠，牛奶味份量多過抺搽。

小王子點了，抺搽+牛奶 MOP42

食完雪糕又要走人，今次比離開大三巴還要困難，幾經辛苦才能迫入人埋，慢流下去，仲要逆線而行，因為上的比落的多，回頭望真係一點空位也沒有。

老公想去試瓦煲奶茶，咁順便去食牛雜，來之前都係網搵左好多地方都冇講新春開唔開，意料中仍是新春休市中。

今日2點半已到達，不用取籌號，在門口排隊，企左10分鐘內就入得。

我想買既已全部售罄，得返粒粒杏仁（10個）裝，咁就買一盒，我話上次聖誕節呢個時間都仲有貨，店員話我晏，好多人都買來送禮。

馳名粒粒杏仁餅MOP42(一盒/10個）

最香餅家

營業時間：11:00–18:30(星期三休)

地址：澳門夜呣街12號明發大廈

上次見到已想影相，這個點就在最香餅家另一邊，一眼就望到。

這兩家店仍在放春假中，時香花生要初七啟市，而喜臨門要初十啟市。

剛才路過〝南屏雅敘〞，上次來幫襯是2019年，見小王子攰，而我就有點餓，就入來休息一下。

老公唔餓只是叫了杯凍奶茶，但佢話勁難飲。

我叫了沙翁和酥皮蛋撻，沙翁選了個比較不燶的，而酥皮蛋撻的皮唔酥，這裡合共MOP55。

下次都不會再幫襯，真的很難吃。

南屏雅敘

營業時間：0630 - 1830

地址：新門新馬路十月初五街85-85A地下

我地又行去十六浦搭財仔車去上葡京。

上葡京落車行入去就見到去其他酒店的財仔車。

我需要去〝新濠影匯〞，係上葡京落車行去西門就有財仔車去，是循環線，仲會去其他酒店。

你望到這個牌坊代表你去對地方等車去〝新濠影匯〞。

我地去到〝新濠影匯〞剛好表演完畢，所以在這要逗留一小時。

新濠影匯

表演項目：鋼鐵巨蛇~新豪影匯大堂

表演時間：13:00-21:00

表演日期：1月22日-2月23日（逢正點，每小時一場5分鐘表演）

我地行去睇跳舞表演，不過，也是尾聲了。



唯有周圍行下，酒店商場仲有些活動，不過，小王子全都冇興趣。



我地搵位休息一陣，差不多時間就行回去，不過，仲未夠鐘又走去睇表演打發時間。







我睇小紅書介紹好有氣勢，但現場睇真係不知說什麼好，浪費了等的時間。



下一站就是去〝澳門巴黎人〞，因為上次忘記上去鐵塔。

今日天氣關係沒有開放37樓，不過，我都冇諗住上去37樓。

風勢很大，唔知點解有點驚，所以好快就回酒店商場。

鐵塔觀光~澳門巴黎人

開放時間：11:00-23：00（還要看天氣）

最後入場時間：晚10:15

備註：巴黎鐵塔，7樓觀景台免費；37樓：75mop（身高120cm或以下兒童免費）

由〝澳門巴黎人〞望過去〝澳門倫敦人〞。



我地就行過去〝威尼斯人〞的Food Court食晚餐，一早就上網睇左有咩食。



Food Court超多人，不過，老公好快搵到位，但發生一點小插曲。

老公見到坐位有2件小朋友外套沒有坐下，就問離開的人是否遺留了，又問後面枱是她們嗎？大家回覆不是，當時我都行緊過去，我見老公前方有個女仔拎住野食行過去，我都心知不妙，佢真係坐低左。

於是我走過去同佢講是我老公來先的，佢講普通話我已經買左野食，在對話中佢男朋友出現，過左一陣就問可唔可以拎一張櫈，佢拎左張櫈同女朋友去左另一張枱。

老公話國內好似係買野食先就可以坐低，話同上次台灣一樣。

小王子一早講左佢要食拉麵，佢話好食。

一沢拉麵：元祖叉燒味玉拉麵 (原味) MOP80



老公話要食雲吞麵，但來到見到間店冇人幫襯，所以改食越南粉，佢對此碗粉好滿意。

PH88越式牛肉粉：招牌火車頭套餐MOP100



我行左幾個圈最終選食葡國餐，因為想食馬介休，不過，失望。

除左馬介休全部都好食，粟米湯是我兒時味道。

澳門地道葡國餐：地道紅酒牛尾飯套餐MOP125，隨餐附送粟米湯&馬介休一份



〝威尼斯人〞搭財仔車去港珠澳大橋。



來之前問過朋友澳門邊間豬肉乾和牛肉乾好食，佢話鉅記，但我話鉅記好難食。

佢話鉅記有一排係難食，但而家好食翻，所以我都幫襯鉅記買左豬肉乾和牛肉乾。