尋晚終於完工，送給喜歡企鵝的小王子。🥰🥰
前幾日小王子已經幫佢改咗個名，叫企鵝兵。😏😏
今次不是視頻教學，而是圖翻譯過來的，但有啲都唔識，就自己上網搵。
鈎這隻企鵝真係一波幾折，過年前已鈎個身，但唔夠黑色冷。
我等到年初六才問店家，一直冇回覆，過左2日我話用錢買黑色冷，就立即回覆我，我訂左2舊，因為要訂2舊才包郵。
之後到鈎冷帽，帽的圖比例唔啱，鈎左一半發現冷帽笠唔到落企鵝個頭，而且紅色冷都所剩無幾，問店家，最後都係冇答案，咁唯有全部要我自己計算。
我都預左冷帽係唔夠冷，唔訂費事又等，將之前米奇袋剩的紅色粗冷線一開二，所以帽有2種紅。
