今日行程都更改了，因為同學仔爸爸生日太高興飲多左，參與不到了，只來吃晚飯。
晚飯就約埋另一個同學仔，她的媽媽book左地方食飯，我地三家人聚人一下。
早餐同學仔媽媽帶我地去食牛腩麵，麵是自家製，用竹昇做，仲要係我地酒店附近行過去就可以。
我都唔知地址，因為同學仔媽媽帶我去，係大眾點評都搵唔到，地址係睇相的。
雲吞size係一口一粒，不同我地平時食的大粒，沒什麼特別，麵係彈牙的。
西豪面馆竹昇雲吞麵
地址：广东省江门市台山市西濠路台城街道14號
2個小朋友都好精神。
食飽就行下步行街。
我地hea住等同學仔爸爸酒醒。
這間同學仔間中都會來坐下，野飲平又舒服。
嘆茶牌椰乳拿鐵 ¥23
生打椰椰凍 ¥16
鮮果派對Plus ¥26
HiTea嘆茶
營業時間：周一至周日 12:00-23:00
地址：新河路26号地下
等緊野食既時候就出去影下。
野飲來到又想食野，仲未飽，頭先係台山商業城見到有間都包店，又走去睇下。
買左返去得我一個食，佢地仲飽緊。
麻薯包 ¥10/5個：原味3個、綠茶2個，好味煙靭。
冬甩 ¥10/3個： 平常一樣。
咯柔芙手工现做海绵蛋糕(商业城店)
營業時間：周一至周日 07:30-22:30
地址：台西路220号D座D1032号铺位
Hea係到有時間，就原如去按摩喇！動身走人，點知外面落雨，逃亡式走回對面商業城，見到有萬潤萬家又入去行下，一行下就唔得掂。
我地一齊返酒店，然後老公和小朋友們在酒店等我地按摩完回來一齊去吃晚餐。
同學仔媽媽邊行邊介紹地方歷史給我聽。
同學仔媽媽話呢間馬仔好食。
莎琪馬 ¥3：炸得好脆，不過甜左啲，所以我冇入貨。
美源饼家
營業時間：周一至周日 09:00-22:00
地址：台城街道东华路27号
終於到左按摩地方了，原來係按腳加按摩，係商業城對面。
同學仔媽媽推介，佢話佢啲朋友都推介這裡。
按摩→按腳→用火燒鹽再擦腳→腳底拔罐，全套都只係 ¥110，超抵。
頭先同技師講我有腳底筋膜炎，但左腳跟踝硬左痛，佢話我有扁平足，但咁硬可能係骨剌，佢建議我去附近醫院照下，按完同學仔媽媽就帶我去。
醫院5點關門，所以急急行去，去到登記完就入去睇骨科醫生，醫生都話我有扁平足，寫紙我付款去照X-Ray。
繳費後去另一棟大樓，負責職員話醫生收多左錢，我付了2個項目，但其中一個項目已包了，幫我搵人係紙上寫野和chop印就搵返醫生，剛才同學媽媽都有問繳費部為何2個收費。
醫生話被電腦內有些東西遮住左睇錯野，改完又要去另一個部門退款再付款，然後才去照，照又等左好耐，好心急，職員都換衫下班。
片係5點就出來，我立即跑去搵醫生，同學仔媽媽隨後來，好在醫生仲係到，醫生話係骨剌，要著有Air既鞋，唔好行咁多路，不用做手術，時間耐了就唔會痛，但我已痛左年幾了。
不過，按完腳骨剌細左，冇咁硬，但唔知可以維持幾耐。
行返去酒店，見步行街有棉花糖， ¥5/2支，我立即買，今晚可以氹下小朋友。
突然同學仔媽媽講價 ¥10/6支，看檔的是小學生，見佢心在計算，諗左一陣話好，嘩~好利害，咁小就懂搵錢。
同學仔媽媽話都係試下咋！點知又得，以前我都會講價，但二十幾年前就冇講價了。
等到同學仔爸爸來接我地去吃飯了，架車係問人借來帶我地去玩的。
這裡是另一個同學仔媽媽book，樣樣野都好食。
碟鵝真係超大~好味，是即燒的，但要訂。
今日原來係另一個同學仔爸爸生日，蛋糕好好食，cream係海鹽，海綿蛋糕軟軟的，蛋糕係同學仔媽媽的二妹朋友做的。
女兒紅聽得多，都係第一次飲。
小朋友又可以聚下。
酒家外面有些設施可以玩下。
食飽就去hea下，小朋友放電，大人休息下。
日落营地
營業時間：14:30-01:00
地址：台山市台城陈宜禧路金麒麟美食城西北侧210米 (石花公园路（石花水库附近）
小王子幼稚園同學，一個男，另一個女，而家小學也是同一間，但唔同班。
女同學現在高過小王子，女仔真係快高啲。
我地三個媽媽就去影下相打卡。
影完相就有野飲。
