今日一早起身，預備去酒店附近間瑞幸咖啡買〝醬香拿鐵〞，因為呢期Hit，係將茅台加入咖啡到，好快就售罄。
尋晚已經講左我會自己去買咖啡，間野開8點，我8點鬆啲就出發，落到去就問酒店職員間野點去。
原來出酒店轉右邊前行就到，落緊毛毛雨，有帶傘，但沿路都頂遮，係有少少位冇頂，5分鐘耐就行到。
商業大廈地下，入到去冇客，問店員話售罄，追問下係原材料冇晒，逢星期一返貨，明天星期一，但我今日走，我就懷住沈重心情返酒店。
瑞幸咖啡(大中华国际金融中心店)
營業時間：周一至周五 07:00-19:30 周六至周日 08:00-18:00
地址：广东省深圳市福田区深南大道1003号
諗住用〝醬香拿鐵〞配個包，而家唯有配水食。
我記得西Dorsi話岗廈北站4號出口可以去到卓悅中心，所以就去搵4號出口。
岗廈北站2-6號出口，一直行就見到指示，扶手電梯上，出外面就見到有食店，而右邊就係卓悅中心入口，然後扶手電梯上就是卓悅中心北區，行前啲就係鮑師傅，而家早就唔駛點排隊。
路過冇人，又見到中秋限定，所以幫襯下，可能剛開店，所以雪糕有點溶溶地，冇之前咁好食。
KUMO KUMO(卓悦中心西区店)
營業時間：周一至周四,周日 10:00-22:00 周五至周六 10:00-22:30
地址：广东省深圳市福田区福华一路卓悦中心东区B1层B185店铺(华为旁电梯)
本來去KK Mall果間，順便去工作坊玩一陣，點知水災令工作坊仲未有電，所以改去Coco Park。
門口有小食供應，取左籌號，店員話最少要等40分鐘，咁就去行下。
海门鱼仔·潮汕味(COCOPark店)
營業時間：11:00-14:00、17:00-21:00
地址：广东省深圳市福田区福华三路星河国际D2栋入口旁星河COCO Park一期F3
呢間想試好耐，今日終於有時間試到了。
老公幫我係到等，我就同小王子去買喜茶。
柚柚麻薯 ¥16：問左店員柚柚是什麼？原來是柚子。
澤田本家‧銅鑼燒
營業時間：1000 - 2230
地址：Coco Park 1樓L1098B號 (F出口)
小王子買左喜茶要等，返去〝澤田本家‧銅鑼燒〞搵老公，然後叫佢返去〝海门鱼仔·潮汕味(COCOPark店)〞，因為應該差不多有位。
咁我去左買杯啡飲先。
% Arabica(COCO Park店)
營業時間：07:30-21:00
地址：福华三路268号星河COCOPark购物公园1楼
咖啡店有咖啡豆賣。
我買左杯 Iced Spanish Latte 240ml：¥45，少冰、小糖、小奶，杯啡比平時貴，入口正常，沒什麼特別。
收到老公通知有位了，但仲要去喜茶。
返去喜茶，等左一陣就有，立即與老公會合。
輕芒芒甘露 (首創)：¥18，又係正常味，杯野太大，小王子飲唔晒。
喜茶(福田星河COCO PARK店)
營業時間：周一至周四 10:00-22:00 周五至周日 10:00-22:30
地址：福华三路星河COCOPark商场首层L1-025号铺
外面有海鮮，只要你拎住白色張卡同店員講要咩，店員寫在白色卡上，就會立即幫你煮。
亦都有某些餐牌上的菜式模樣給你看，有些有埋材料，咁你就知用咩材料煮。
我坐低order左野食，我就食銅鑼燒和飲啡，銅鑼燒中間有麻糬，有柚子味，唔甜。
涼拌花甲 ¥59
滷水鵝肉 ¥59
滷水鵝腎 ¥39/只
豆醬炒空心茶 ¥35
干貝竹笙冬瓜湯 ¥28/位
普寧炸果肉 ¥42
我發現小王子個碗有污垢，就同職員講要換過一隻碗，好耐之後先拎左隻乾淨碗來。
突然，職員拎左〝糕燒雙色〞放低，並道歉，我地立即禮貌地拒絕，一來我地唔食芋頭，二來本order既野都食唔晒，跟住話送個點心，我地都唔需要，因為真係食唔晒，而且我地都唔係想抓着數。
我地已經講左唔緊要，不需要任何補償，只不過是小事。
過一陣又拎左盒月餅來，最後接受了，若再拒絕又會拎另一樣野，攪到我地真係唔好意思。
我埋單時見到收銀旁有個牌，原來是潮式月餅。
原本冇諗住去塘朗城，因為去唔到工作坊。
小王子又係最多收穫。
NIKE深圳塘朗换季优惠店
營業時間：1000 - 2200
地址：塘朗城广场 (西区)商业411 -412 (L111-L112)
小王子買左個包做早餐。
可頒坊
營業時間：07:00-22:00
地址：留仙大道塘朗城M07
最後去左購物中心站的〝Coco Park〞超市買酸奶，而家唔係用冰，而係用冰種~方便好多。
我係美團叫〝窰雞王〞拿回香港回家吃，但要收語音驗證碼，所以失敗，因為我個電話只可以收短信，所以搵左朋友幫手叫美團。
外賣只係係酒店門口的美團外賣櫃，真係好方便。
沒有留言:
發佈留言