之前報左ERB的包餅課程，上個月開始返學，今日學校假期，所以我決定獨自北上。
我從不喜歡一個人出街或做任何事，因從小做什麼事都有人陪伴，所以今次自己一個去，我真的長大了，不再別人的陪伴。
玩完就要回去溫書，因為下星期要考試，其實星期一已考了素養面試，尋日就考左實務評核試，下星期一都要考最後一個實務評核試，接下來就是筆試，是我最擔心的。
今日一早就出門，剛好遇上九龍塘08:01去落馬州班車。
這次沒有小王子在身邊，我來回香港和國內都可以用自助過關，但幾乎每次用國內的自助過關都失敗，印象中只有一1、2次是成功自行過到，每次都要叫職員過來幫我人手開閘，這次也是不例外，回程時仲要拎埋香港身分證才放行。
我一出關口就立即call車去〝南頭古城〞影相，架車要12分鐘才到，等左一陣架車都冇郁，怕師傅接左單又唔想來等我取消，但我唔想取消，因為取消得多會影響信譽，唯有再等，我等左超過12分鐘才到，總好過唔到，在〝南頭古城〞的南門下車。
我對〝南頭古城〞滿心期待，可能太大期望，所以失望也很大。
這裡沒有古城，只有現代，勁失望，其實可以1.5小時內行晒。
我是在南門下車，然後在東門走，東門近12號線的中山公園站D出口，行2-3分鐘就到。
南头古城
营业时间：周一至周日 09:30-20:00
地址：南山大道与深南大道交汇处 (地鐵：12號線中山公園站~D出口)
古城內有好多少型的館，全部館都可以5分鐘內行完。
古舊的東西不多，很多都是現代的。
行行下有個公園，有樹蔭，還有些裝置。
今朝早餐吃得不多，所以十點幾有點餓，頭先見到有間糕點，去買啲野食先。
我買左原味糯米糍，好在店員懂廣東話，得2個packing，2粒和6粒裝，我梗係買2粒裝喇！
原味糯米糍 ¥15 (2個)
邓家传文糕点店(南头店)
营业时间：周一至周日 10:00-22:00
地址：南头古城中山南街73号
我想買多杯啡，所以周圍搵下，由南門行到最尾再上少少就到呢到，上面有個中山公園。
行晒都搵唔到，就行埋東門果條街，最後都係去返南門街尾果間夠清靜。
這間店的左邊行過去就是〝南頭古城〞的石字。
我同店員講〝拿鐵咖啡〞要少冰、細杯的，收了 ¥28，原來這杯咖啡有分苦和酸的，店員幫我揀左，因為其他都不是這價錢。
超级黑胶工厂
营业时间：周一至周日 12:00-22:00
地址：南德街南头古城垣gaga旁边
店外有2張露營櫈仔和3個黑色箱仔，周圍得我一個人很舒服。
影好相就開餐，咖啡正常味道，而糯米糍超好吃，皮薄又軟糯，餡甜度適中，而且爆多。
休息完就去東門果邊走，路過這間店被門口的兔仔吸引了，店內有售賣花茶，全部可以免費試飲，放了紙杯和茶客人可自行飲。
全店的東西都是免仔好靚，除花茶，仲有杯、飾物和茶的用具。
由東門出行落去大街，轉左邊行前少少就會見到12號線的中山公園站D出口，好快就到。
下站就去食午餐嚕！原本想call車去，但又怕啲車接左單又唔來，都係搭地鐵穩陣。
地鐵上到地面望左手邊就是商場，不過，如果落雨就麻煩，因為原路都冇瓦遮頭，今日我都係曝曬行過去，真係好熱。
這個商場唔吸引，望過下商場指南好似食肆多，不過，今年9月開左〝HOP-DX潮玩运动街区〞，我都諗緊下次帶唔帶小王子來玩。
前海HOP天地
营业时间：周一至周五 08:00-22:00 周六,周日 09:00-22:30
地址：兴华一路19号 (地鐵：5號線宝华站~B2口出)
今日趁老公唔係到我去食蟹黃撈麵先，因為老公對蟹敏感，所以我都好多年冇食蟹了。
間店在商場外圍，由地鐵站出店就在商場背面。
蟹叁寳·蟹黄面 (宝安店)
营业时间：11:30-21:30
地址：宝华路壹方城停车场出口对面，前海HOP天地1楼近3号门（特斯拉充电桩旁）(地鐵：5號線~宝华站~B2口出）
我一坐低店員就話掃碼落單，然後送上杯茶，再四周望下店裝修感覺舒服。
我見到原來茶係自己助的，茶是薑茶，可能店員見我是香港人知我唔識，所以送上茶。
我在麵和飯之間爭扎，其實想試麵，但感覺麵會肥啲，最後選了，飯和麵是同價的。
店的顧客不多，等左約20分鐘才送餐，可能拆蟹肉需時。
店員送餐行過來聞到陣腥味，但放低後冇左，食落都冇腥味。
店員話將醋加入蟹黃撈勻食，我緊係試左原汁原味先喇！
蟹黃好味，加左醋有另一種層次，蟹黃份量都OK，都有食剩，配菜的雲耳都好好食，美中不足有蟹殼。
蟹黄金捞饭 ¥98
食飽就緊係去食飯後甜品喇！原來諗住行過去，但天氣好熱，都係搭一個地鐵站去。
我好鍾意食甜甜圈，這店在深圳只有這間。
海鹽芝士甜甜圈 ¥16
高圈圈甜甜圈
营业时间：周一至周日 10:00-22:00
地址：新湖路壹方城购物中心B2层B2-071D号 (地鐵：1號或5號線 宝安中心站~F 出口)
我差不多要回家了，但在回家前要做外賣仔先。
小王子指定要食〝窰雞王〞，上次〝晨曦鮑魚飯〞OK，所以再encore，去埋卡瑪王子買早餐比小王子就完成任務。
我去左皇庭廣場，因為近福田關口，而且會展中心地鐵C出口出就是卡瑪王子，我預備叫美團地址就入皇庭廣場的卡瑪王子。
一出地鐵就叫美團，但係唔知邊到改送貨地址，又要搵深圳朋友教路。
地址改好，又到網絡有問題，頭先入閘已經冇訊號，而且又係咁，於是我就周圍行搵網絡。
最經艱苦完成落單，要等40分鐘，於是就行過隔離大廈去銀行辦點事，排緊隊就收到美團電話到了，於是就跑回去取貨。
原來是鮑魚飯到了，前後20分鐘都沒有就送到。
我見煲野冇鮑魚以為又叫錯左，老公食食下話真係有鮑魚，今次個汁比上次淡味，因為唔同店可以係會有出入。
於是我就係卡瑪王子買小王子指定的早餐先，然後就落去Muji坐下，因為對腳有點抽筋。
我坐左2分鐘都沒有，又有美團打來，我就跑返去卡瑪王子接貨，然後去左盒馬先生執好野就回家去。
老公和小王子都話今次隻雞鹹，老公話可能平日少人order，整好晒係到醃耐左。
