今日係選舉後假期，所以一早plan好又帶小王子北上去樂園玩一餐。
早幾日同學仔媽媽知道後，話如果佢請到假就一齊去。
最後我地叫多個同學仔媽媽齊齊帶埋小朋友玩一日。
我定好各自食少少野，然後早上7點15分就在家樓下集合。
我地過中國海關時有點阻滯，所以比預期遲左，令到全個行程都推遲了，有啲地點是沒有去的。
我地係樂園附近嘆下咖啡，兼且食少少野。
太平洋咖啡(发达路店)
營業時間：周一至周五 08:00-19:00 周六至周日 09:00-17:30
地址：广东省深圳市坂田街道发达路1号云里智能园四栋1楼01-02室
我和小王子每人一杯飲品和麵包，全部都好味，唯獨咖啡唔夠咖啡味。
我：榛子拿鐵：¥31、熏雞肉丹麥酥：¥22
小王子：楊枝甘露：¥28、火腿芝士牛角酥：¥18
之前叫小王子試牛角都死都唔試，今日一試就愛上添！
其他人就order咖啡和蛋糕，大家都覺得咖啡唔夠咖啡味，飲物質素都OK。
為何有一個小朋友大咁多，因為係同學仔家姐，佢地四個從小玩到大。
我地一點幾先過去樂園玩，我預期係1點前走，所以行程真係打亂晒。
我地行左一個圈睇下有咩玩，呢到來一次夠了，玩既野唔太多，與小紅書有點出入。
每個項目都冇工作人員，要等人來或者去搵人來開機動遊戲。
云里梦想乐园
營業時間：0900 - 2200
地址：广东省深圳市龙岗区坂田长发中路3号
我地做左會員¥18，一張卡一齊用，本想充¥680，送¥338，但其中一個小朋友唔舒服，就充值¥338就算。
積木樂園內有波波池，射擊今日冇開。
射擊向前行就係玩水的地方，但而家冬天冇開。
小朋友超鍾意玩洗衣機，仲連續玩左2次。
在我地之前已有個小朋友玩緊，佢媽媽陪佢玩左2次，佢地都係香港人。
小朋友媽媽話頭先工作人員話尋日有好多香港人來玩。
我都有玩碰碰車，但真係好慢，唔夠爽。
其中一個媽媽想食串燒，仲要係自己燒，所以我就撩左白玉串城。
這間唔夠筍崗好食，我最想食的吐司都冇，佢有解釋，但聽唔明，總之就冇喇！
店外都已經有聖誕裝飾，店內裝修都幾靚。
白玉串城·朝鲜族烤(泰然四路店)
營業時間：1130 - 2400
地址：泰然二路泰然工貿園201棟首層2號 (車公廟站E口)
炒飯每次都必叫，小王子好鍾意食，但其中一個媽媽話米硬，我試左又覺得OK，搵左職員要求炒過一碟，他拎左少少炒飯，應該比廚師試，最後取消了炒飯。
小朋友坐唔定，食完飯要去伸展一下。
今日另一個重頭戲就是去山姆，媽媽們想買衫比小朋友，但係呢間小朋友衫唔多。
今次入場沒有人睇會員卡，亦都冇限帶幾多人入場。
山姆會員商店 (印力中心店)
營業時間：0730 - 2200
地址：農林路67號 (印力中心旁)
小朋友好開心，但行到攰上手推車坐，其中一個小朋友唔舒服。
大家都有收穫，而我就買左這些。
我買到等到頸都長的紅心奇異果，之前深圳朋友請我食過之後都搵唔到，所以我買左一盤。
這個是好Hit的長條包裝的薯條，朋友仔請左一包比小王子，而開左一包大家一齊品嚐。
