檸檬醬蛋白火焰雪山撻

今次學整撻，有好多人上堂。全部都係自己整，所以時間都好緊迫，因為打蛋白都好花時間。

焗好個撻，加入檸檬醬，然後再將蛋白舖上面。

要用火槍，我支火槍買左幾年都冇用過，所以呢啲咁危險緊係Miss負責。

開心果小姐(上)、我(中)、熊貓小姐(下)

白汁芝士雞批

老公鍾意食雞批，每次整比佢都要厚皮，但我覺得都麻煩，所以都好耐冇整。

今次出去學有人煮埋餡，真係好鬼正。

我的作品

拎到返去老公已經KO左半個。

朋友農場

今個月初老公既小學同學結婚，佢地見返好多舊同學，咁就促成這次既BBQ聚，除小學同學外，我仲有叫埋肥仔一家人去，還有一個小學老師添！

我地去其中一個同學既親戚開既農場玩，農場係可以外人去，但我地玩既野有啲係冇，所以就農場唔開名了。

今次最少有20幾人，因為大家都有家庭，小朋友玩得好開心，又滿足，今日有好多經驗平時都體會唔到。

農場可以摘士多啤梨

燒乳豬

燒完擺左一陣都好熱，切既時候出晒煙。

燒雞

好好味，肉汁又多

Pizza爐好靚丫！係農場自己砌。

預備自家製Pizza喇！

我係芝士控，緊係要加好多芝士。

入爐喇！

香脆好味

食飽就行下，有專人介紹農場，好多小麥 ，仲有稻草人，都係第一次見。

呢部機而家應該好少地方見到。

部機仲可以運作架！將小麥放入去，就會脫晒出來，小朋友玩得好開心，玩到頭髮都有穀。

然後就拎去呢部機將穀脫殼。

穀殼就拎去餵豬。

北海道3.6牛乳芝士蛋糕

近日〝北海道3.6牛乳芝士蛋糕〞好hit，所以我、熊貓小姐和開心果小姐一齊去學。

芒果流心蛋糕

今次又係我、好同事、熊貓小姐和開心果小姐一齊去Cake1Cake學〝芒果流心蛋糕〞。

蛋糕好食，但功夫都多，會唔會整到時睇心情。

Miss的作品

我的作品

我地4個作品影個大合照

Q版冬甩

我好鍾意食冬甩，咁開心果小姐見又有團購，所以我地一齊學下，今次仲有佢娣婦一齊學。

學既地方好近娘家，所以可以一家人一齊品嚐。

上到去覺得有點中伏，但我見其他人整得好開心，我當然都好投入去做。

冬甩做法只係弄碎蛋糕，然後整入矽膠模中，外面就上朱古力醬，導師話這個就是冬甩。

唔識既人就以為係，但我識就緊係知唔係喇！好在係團購咋！

 我的製成品

擬印紙彩繪蛋糕

今次又係我、好同事、熊貓小姐和開心果小姐一齊去學。

我地去返上次〝藍莓芝士撻〞果到學，上堂冇食譜，話會email返比我地，結果都係冇，又係好好食整唔返。

我同好同事既作品係甩擬印紙時印唔到落蛋糕到，但熊貓小姐和開心果小姐就好成功。

我的製成品 

皂黏土玫瑰杯子蛋糕班

我和好同事一齊去學整番梘，一心以為教我地整，但原來番梘已一早整好，我地只係做裝飾，但就有講解點樣整番梘。

我的作品

好同事的作品

叉燒包‧酥皮蛋撻

今日同好同事、開心果小姐，仲有一個新朋友仔，係開心果小姐既同事車車小姐。

我地係又係團購買，係〝德信烹飪學校〞，學整叉燒包、酥皮蛋撻。

阿Sir話黃淑儀都係係到學架！

製成品好好食，真係同酒樓冇乜分別，但整既過程有點麻煩和複雜，

所以應該都唔會整，叫做知道點整。

藍莓芝士撻

 之前見團購有得學〝藍莓芝士撻〞，所以相約好同事、熊貓小姐和開心果小姐一齊學。

雖然個撻好食，但整唔返，因為間野都冇比食譜我地。

再來龍鼓灘