皇室糖藝立體蛋糕

今次整皇室糖藝，所以學蛋糕一早預備好，我只須要裝飾。

阿Sir示範左玫瑰花點整，原來好易。

 我的作品

見同學仔果個又幾靚，所以又影下。

開心果小姐(左)、同學仔(右) 

咸肉糉

阿媽2009年專登叫佢同事來家中教我裹，學既時候都覺得裹糉真係好難記個步驟，所以一直都冇整。

糉，我只係鍾意食糯米唔食餡，學既原因係想樣樣都識下咁喇！今次開心果小姐相約我一齊去學，我當然去喇！

開心果小姐去學既原因係，佢阿媽未去世前每年都會裹糉，所以佢學係一個情意結。

今次我地去返上次〝叉燒包‧酥皮蛋撻〞果到學。

阿Sir既糉已經烚好，可以試食。

開心果小姐(左)、我(右)

東京香蕉蛋糕

我好鍾意食〝東京香蕉蛋糕〞，有得學就緊係去喇！有2個陪我去學，邊2個又係果2個喇！但今次冇開心果小姐。

我地3個學〝東京香蕉蛋糕〞，另外，有幾個就學烏冬麵蛋糕，真係好似一碗烏冬麵。

老師示範

跟住自己整，蛋糕都係即場整。

我的作品

我(左)、好同事(中)、熊貓小姐(右)

驚喜方包(熊貓)

我自學搓包好多年，但係搓既技巧上真係好難，見平平地有得學，所以約埋好同事一齊去。

不過，有點失望，都沒有教授任何搓包技巧，只係叫我地搓到光滑就可以，亦都唔好滅舊麵糰少少出來睇下拉唔拉到薄膜，因為會破壞麵糰。

由零開始搓麵糰 

將麵糰組合

Miss的成呂

我的成品

我(左)、好同事(右)

野菜燉牛肉

我搵唔返個食譜，等我搵返先upload個食譜。

DIY有機手工皂拉花

我一直對整番梘都有興趣，而另一位同事都有，所以就相約去學。

我係港島區返工，而學既地點係九龍，所以去上堂都好趕，我地一出地鐵係急步，跟住就少少跑去。

我地都趕到，但就係最遲到達，跑到出晒汗。

一去到老師話你大肚丫？我個心立即緊張，唔通大肚唔可以上堂？好在唔係，但就要小心啲。

老師話整番梘可以手打亦可用手提打蛋器打，手打就滑啲，而舊梘就靚啲，然後全部人都雄心壯志揀用手打。真係唔係講笑打到手都軟，都忘記左打左幾耐，但最少有半小時以上。

我舊梘係整比阿婆，因為佢一到冬天成日身癢，希望阿婆用左可以好啲。

果到既display

我既作品

各位同學仔既作品

檸檬醬蛋白火焰雪山撻

今次學整撻，有好多人上堂。全部都係自己整，所以時間都好緊迫，因為打蛋白都好花時間。

焗好個撻，加入檸檬醬，然後再將蛋白舖上面。

要用火槍，我支火槍買左幾年都冇用過，所以呢啲咁危險緊係Miss負責。

開心果小姐(上)、我(中)、熊貓小姐(下)

白汁芝士雞批

老公鍾意食雞批，每次整比佢都要厚皮，但我覺得都麻煩，所以都好耐冇整。

今次出去學有人煮埋餡，真係好鬼正。

我的作品

拎到返去老公已經KO左半個。

朋友農場

今個月初老公既小學同學結婚，佢地見返好多舊同學，咁就促成這次既BBQ聚，除小學同學外，我仲有叫埋肥仔一家人去，還有一個小學老師添！

我地去其中一個同學既親戚開既農場玩，農場係可以外人去，但我地玩既野有啲係冇，所以就農場唔開名了。

今次最少有20幾人，因為大家都有家庭，小朋友玩得好開心，又滿足，今日有好多經驗平時都體會唔到。

農場可以摘士多啤梨

燒乳豬

燒完擺左一陣都好熱，切既時候出晒煙。

燒雞

好好味，肉汁又多

Pizza爐好靚丫！係農場自己砌。

預備自家製Pizza喇！

我係芝士控，緊係要加好多芝士。

入爐喇！

香脆好味

食飽就行下，有專人介紹農場，好多小麥 ，仲有稻草人，都係第一次見。

呢部機而家應該好少地方見到。

部機仲可以運作架！將小麥放入去，就會脫晒出來，小朋友玩得好開心，玩到頭髮都有穀。

然後就拎去呢部機將穀脫殼。

穀殼就拎去餵豬。

北海道3.6牛乳芝士蛋糕

近日〝北海道3.6牛乳芝士蛋糕〞好hit，所以我、熊貓小姐和開心果小姐一齊去學。

芒果流心蛋糕

今次又係我、好同事、熊貓小姐和開心果小姐一齊去Cake1Cake學〝芒果流心蛋糕〞。

蛋糕好食，但功夫都多，會唔會整到時睇心情。

Miss的作品

我的作品

我地4個作品影個大合照