手工梘

我想學整番梘好耐，上次學過都係麻麻。

表姐讀完香薰治療師，佢又有教人整梘，所以叫左佢教我整，因為個配方係表姐，所以我冇問到拎，因為我隨時都可以去佢到整。

觀塘海賓碼頭

今日約左2號同事一齊去〝觀塘海賓碼頭〞BB聚。

我地係草地踢足球，但立即有管理員過來叫停，呢到草地唔準踢波，

咁唯有玩下吹泡泡和食下野。

灣仔露營@第一次

好似已經有3年冇去露營，尋日入營，而有啲朋友就前日已經來到。

今次係小王子(20個月)第一次露營，有好多人都話我勇，阿仔咁細都帶佢露營，我和老公都唔覺得有咩好驚，一如所料，佢冇咩唔習慣，與平時一樣~叻仔！希望可以快啲再去。

好乖坐係到

又開始扭計 

瞓下晏覺先

小王子幫手將螢光棒掛係營繩防止絆倒其他人 

第2日起身食早餐 

又幫手收櫈 

走既時候仲幫爸爸孭背囊

葛量洪‧三家村

今日一早起身過海原本去學整蛋糕，上到去間野裝修緊又搵唔到負責人，連裝修師傅都搵唔到老闆，我地唯有走人搵節目。

我地去左太古城坐低諗下去邊，連街都冇得行，因為真係太早舖頭都未開。

我地去左葛量洪號

今日又曬又熱 

跟住坐渡輪去三家村行下 

記得小時候表姐帶我來過三家村，果時這間餅舖已經在。

龍鼓灘BBQ

今日又約左同事們一齊去BBQ，地點有點遠，我鍾意呢到地方夠大，野食都好味。

我地約中午燒到夜晚，好在有啲野可以比小朋友玩，唔係小王子實扭計。

京阪神 Day7@2015

每次旅行都係當最後一次，所以行程緊密又早出門。

今日係最後一日，等老公和小王子可以瞓晏啲，因為小王子未係好識行，所以我地每日都孭住佢，有帶車仔去，有時都冇帶出街，因為好多地方都要抬，每日大家都攰到成隻野咁，但我地都冇後悔，最緊只要係一家三口一齊去玩。

尋晚已同老公講左，今朝我一個人出去最後衝刺，而且又可以影下相，平時唔鍾意一個人的我，今日很享受，買左好多野~爽~爽~爽。

我真係好早，早餐冇食7點幾就出發，睇下條街一個人都冇。

我冇飲開咖啡，行過咖啡店都想嘆番杯~relax一下，可惜餵母乳中唔飲得。

咁早緊係行〝激安の殿堂ドソ‧キホーテ〞，呢間係我酒店附近。

跟住去Daiso等開門，入去掃完貨拿拿淋回酒店。

其實都唔係好多時間行，要預時間叫佢地起身，又要check out，雖然時間不多，比起同佢地一齊行，用時間少，又買得多，真係極速購物。

Check out完就去食〝Pablo〞，我係芝士控，但老公對芝士麻麻，所以我食左1.5個撻。

同事介紹我食〝元祿壽司〞，品質都OK，但地方就迫啲。

去到機場food court食，對住飛機會野，食完跟住上機。 

京阪神 Day6@2015

Day 6 ：Legoland→黑門市場→Daiso→Serian→酒店→Labi 1 Namba→いきなりステーキ

*************************************************************************

出發前已經係網上預約和訂飛去Legoland，仲要係最早果場。一早到場等開門，排頭幾個，心情有點興奮，因為小王子都鍾意lego。

Legoland

地址：後補

營業時間：1000 - 2000 (最後入場1800)

休息：每月第一個星期三

入場費：13歲以上￥2500，2歲以下免費 (網上買飛9折)

路線：心齋橋(大阪市營御堂筋線)→本町(大阪市營中央線)→大阪港，中央線大阪港站

1號出口步行5分鐘

車程：20分鐘 ￥(280)

開門了，買飛入場先。

入到去要睇片先，睇完每個小朋友都會比一個小禮物。

場地比想像中細。

有小朋友玩既，亦都有大家啱睇既模型。

我想要個盒，但冇得單買，要買野食裝落個盒到，當然個盒都要比錢喇！

果到有個地方係坐住架車睇野，都比較黑，以為小王子會驚，點知佢坐完又要坐，連續玩左幾次，小王子玩得好開心。

仲個工作室，分時段，又多人排，所以冇參加。

老公鍾意食剌身，所以去黑門市場食午餐。

我唔食海膽，係香港食過好腥，但去日本一定要食，即開真係好鮮甜。生蠔又係唔食，但啲人話上奶，所以而家都會食，又係即開~正。

又食下燒海鮮

食完又到shopping時間，Daiso 係我目標之一，款式比香港好。

Daiso 大創百圓百貨連鎖店

地址：大阪府大阪市中央区南船場３丁目１０番３号 (心齋橋尾，博多一風堂對面馬路直行就係)

營業時間：1000 - 2100

我都有去Motherways，網上見好多人都讚，一心諗住幫小王子入貨，但覺得都唔係平，可能我個人cheap，所以冇收獲。

Motherways

地址： 大阪府大阪市中央区南船場3-7-27　ＮＬＣ南船場ビル　1・2階

營業時間：1000 - 2000

行心齋橋又要食Mr Donuts。

網上搵到間食立食牛排〝いきなりステーキ〞，按重量計。

いきなりステーキ

地址：〒542-0076 大阪府大阪市中央区難波1-5-23 法善寺タウンビル 1Ｆ (地下鐵難波站14號出口步行約2分鐘)

營業時間：1100 - 2300

型式：立食牛排

備註：1100 - 1500 (午餐僅限平日)

今晚就食佢，雖然小王子瞓左，但都食得好辛苦，因為老公孭左小王子成日，而家到我孭住食。

我同老公都好滿意呢餐。 

今日收獲