上次材料齊晒想跟〝Blog友仔~蠍〞個〝芒果布甸〞食譜整，不過，盒鮮奶又到期，所以冇跟到，尋日買多盒芒果啫喱粉預備今日整。
我改左一D做法和材料，我全程用熱水座住整，所以全部都係用普通凍滾水，同埋原食譜係用6安士花奶，但我用左一罐細花奶得160克差少少都由佢照整，因為唔想再買，買左又用唔晒就嘥。
我、老公、肥仔試過都覺得〝Blog友仔~蠍〞個〝芒果布甸〞食譜既製成品好過我之前的〝芒果布甸~臘臘版〞，肥仔仲話呢個香D添丫！
芒果布甸~無蛋版
材料：
芒果 (切細粒) 半個大 (隨意)
芒果啫喱粉 一包 (約90克)
水 8安士
花奶 160克 (細花奶)
做法：
1) Mixing Bowl用熱水座住。
2) 放啫喱粉在Mixing
Bowl內加水撤底攪勻。
3) 加入花奶再攪勻，跟著加入芒果粒攪勻。
4) 待稍凍後放入雪柜雪約一個小時，食得。
上次整〝芒果布甸~臘臘版〞臘得滯，就原本諗住跟〝Blog友仔~蠍〞既食譜整 〝芒果布甸II〞，不過，被我發現到盒鮮奶明天到期，所以唯有下次先試〝Blog友仔~蠍〞的食譜。
我仍然努力尋回以前的〝芒果布甸〞味道，今次應該找到喇！不過，芒果好酸丫！其實，材料和做法都與〝芒果布甸~臘臘版〞一樣，唯獨是鮮奶方面減少左一半，今次冇上次咁〝臘〞。
芒果布甸
材料：
芒果
1個 (可隨個人喜好)
芒果啫喱粉
1盒 / 90克
鮮奶
1盒 / 236毫升
雞蛋
1隻
做法：
1.
用溫水座暖器皿。
2.
將芒果啫喱粉倒入器皿內，再加入鮮奶攪勻。
3.
將芒果切粒。
4.
將雞蛋打勻，加入(2)中，再加入芒果粒。
5. 然後放入雪櫃至凝固即可。
今次屋企冇晒柱候醬，所以轉用海鮮醬，而做法都有D唔同，不過，想唔到味道大家都話比之前的好，等我仲擔心唔好食添！咁樣我以後都用海鮮醬，因為柱候醬唔常用。
豉椒鳳爪
材料：
鳳爪 (已炸) 一斤
蒜頭 約一整顆
豆豉 適量（原粒洗乾淨）
紅辣椒 適量
醬料：
沙茶醬 2湯匙
海鮮醬 2湯匙
蠔油 2湯匙
糖 2湯匙
清水 2湯匙
生粉 2茶匙
麻油 少許
胡椒粉 少許
做法：
1.
鳳爪買回來，用清水加薑蔥和少許鹽先煲淋，煲淋後取出沖水放涼，再每隻斬成兩件備用。
2.
蒜頭剁成蓉，紅辣椒切成一圈圈。
3.
燒熱鑊落油，爆香蒜蓉，熄火。
4.
加入紅辣椒、豆豉和醬料拌勻。
5.
將鳳爪放入鑊中，炒勻，放於碟上蒸。
6. 用大火蒸3分鐘，要吃時大火蒸約5分鐘即可食用。
以前未識煮野食，我就識整〝芒果布甸〞重要係最拿手果隻。今時今日冇整咁多年，緊係生疏左，材料記得，但份量就忘記左。而家生疏到要整第2次先似樣，雖然第2次個個都話好味，咁緊係冇人地做生意咁好，但人人都滿意，可惜我就唔多滿意。
我問左肥仔與以前比係咪冇咁好？佢都話以前好食好多，我地都覺得漿左D，但老公就唔多覺，我要再下D苦功先，一定要去返以前既水準先得。
芒果布甸~臘臘版
材料：
芒果 2個 (可隨個人喜好)
芒果啫喱粉 1盒 / 90克
鮮奶 2盒 / 472毫升
雞蛋 1隻
做法：
1.
用溫水座暖器皿。
2.
將芒果啫喱粉倒入器皿內，再加入鮮奶攪勻。
3.
將芒果切粒。
4.
將雞蛋打勻，加入(2)中，再加入芒果粒。
5.
然後放入雪櫃至凝固即可。
這個〝泰式春卷〞餡料比較鹹，又不是太受歡迎，每人都覺得我整的普通春卷好味得多。
老公話醮個甜辣醬仲怪，可能係自己煮要自我安惠一下，我又唔覺得好難食。
我忘記左〝泰式春卷〞係咩味道，下次有機會食泰國野，我一定要order〝泰式春卷〞品嚐一下，咁就可以偷下師。
泰式春卷Po Pia Thot
材料：
食用油 2大匙
蒜頭 (切碎) 1茶匙
豬絞肉 250克
紅蘿蔔絲 2杯
芹菜 (切碎) 2杯
銀芽 1杯
春捲皮 20張
蛋黃 (打散) 2個
食用油 (炸春捲用) 3杯(750 ml)
調味料：
糖 2大匙
白胡椒 1/8茶匙
魚露 1/4杯(60 ml)
美極鮮味露 1大匙
作法：
1.
將長柄平底鍋加熱，倒入油、大蒜和豬肉，拌炒直到豬肉熟為止。
2.
加入紅蘿蔔、芹菜、調味醬、糖和胡椒，以高溫炒一分鐘讓醬汁和汁液蒸發，完成後放置一旁讓餡料待涼。
3.
再加入豆芽菜，將餅皮放成菱形，一角朝向自己，用湯匙挖2匙餡料放入餅皮中。
4.
從一角將餅皮捲起來，在最上層的餅皮上刷一點蛋黃，包起來捲成春捲，重覆完成其他的春捲。將油加熱至180℃，將春捲放入炸直到外皮變成金棕色即可。
5. 吃春捲時搭配甜辣醬。
甜辣醬準備材料：
糖 5大匙
水 1杯
大蒜 (切碎) 2大匙
柳丁汁 4
大匙
鹽 1/2大匙
醋 2
大匙
紅辣椒 (切碎) 1/2大匙
甜辣醬作法：
1. 將所有材料放入鍋中用中火加熱，約20分鐘、攪拌，把火關掉即完成。
