炸炸雞軟骨 (內附食譜)

之前食〝減肥餐〞時，用剩左D雞軟骨放左係冰箱，減肥時整親都係炒。

今日晏晝吃飯時就拎嚟炸左佢先！我好鍾意食炸雞軟骨架！   

我係網睇過用澄麵做炸醬係會脆D，不過，今次我冇整炸醬，只係就咁撈一撈啫！

炸完就〝點〞沙律醬~Yummy！

炸炸雞軟骨

材料：

雞軟骨

醃料：

椒鹽

胡椒粉

澄麵

做法：

1.         先將雞軟骨洗淨、隔去水份。

2.         加入椒鹽、胡椒粉撈勻，然後再加入澄麵撈勻。

3.         筷子放入熱油中，見升起泡泡，即放入雞軟骨。

4.         用小火炸，差不多熟改用中火，上碟即可。

貼士：

l  椒鹽~可以改用鹽、淮鹽‧‧‧。

l  澄麵~可以改用麵粉、粟粉、生粉，用澄麵可以令表面更脆。

l  臨離開滾油前改用大少少火，目的將食物內的油迫出，使食物更香脆。