陽光葡萄乾麵包 (內附食譜)

我以前用手搓麵糰，搓完又攰又花時，所以而家都係用打蛋器代勞，前日整左包拎左個打蛋器出來，所以就用盡佢，今日再整包，又係跟〝特色麵包自己做〞整。   

原本係整9個，但高筋粉唔夠，只夠整6個。今次冇上次發得咁大，唔知係份量有別，抑或係依士就失效，焗既時候都有發大，但就冇預期中咁好，睇嚟我都要快D用盡D依士先得，唔想好次上次咁用左少少就要棄掉。   

今次都係一般喇！若果發大D會好好多。

陽光葡萄乾麵包

食譜來自：特色麵包自己做

材料：(6個份)

高筋麵粉           177克

糖                       21克

鹽                       3克

奶粉                   6克

全蛋                   18克

葡萄乾               44克

水                       80克

依士                   2克 (原食譜用〝新鮮酵母~5.4克〞)

牛油                   9克

做法：

1.         將材料(牛油除外)一起加入搓成糰。

2.         加入牛油搓至成薄膜狀，再加入葡萄乾搓勻，即可。

3.         盆內塗上一層薄固體菜油或噴一層菜油。

4.         將已搓滑的麵糰放入盆內。

5.         蓋上保鮮紙漿廠以防表面乾硬)。

6.         將整盆麵糰放入另一個注入30℃-40℃溫水的盆內，發酵約1小時。

7.         發酵後的麵糰約成原來的2.5-3倍大。

8.         將麵糰分割成6等份，滾圓，鬆弛15分鐘。

9.         再次滾圓放置於烤盤上，蓋上保鮮紙作最後發酵，約40分鐘。

10.      待發酵完成後(約為原來體積2.5倍)，掃上蛋液。

11.      放入預熱180度焗爐，約焗15分鐘。

 

貼士：

l  放入葡萄乾攪拌時，盡可能均勻就好，不要攪拌過久，若葡萄乾破了，不僅麵包外觀不好看，亦會影響發酵。

l  麵糰溫度夏天27度、冬天29度為適溫。

整後心得：

l  鬆弛前要滾圓，係滾圓前摺二摺會比較易滾圓。