Gemini GOG35S

成日想換個大啲既焗爐，由於搬屋時訂造櫃，專登造個位擺焗爐，所以換焗爐尺寸都有限制。

我舊焗爐容量得18L，而且冇得分開上下分熱線，亦都冇對流風，都唔係問題，但問題係焗爐太細，整時間唔耐，但焗就耐，因為要分開幾轉焗，太花時了。

近排再上網搵下，比我搵到〝Gemini GOG35S〞尺寸可以擺得落，仲要容量35L大差不多一倍，價錢又唔貴。

老公開綠燈肯比我換，所以好積極搵，但係好多地方都冇得賣，打埋去總代理暫話時缺貨，最後係網上日本城有貨。

今日去街時收到日本城來電，話個焗爐到左，回家時去取貨，好在老公係到，因為都好重，其實，網上購物過$500就可以送貨，但我要返工費時約，所以直接落舖拎。

我個舊焗爐就搬去阿媽到，有左焗爐可以整多啲款式野食。

指甲貼

我鍾意搽指甲油，但唔太識搽，所以唔靚，好多時都係搽，跟手就洗左，而且好快就崩或花。

新年前買左指甲油諗住搽，但同事知道我可能又會未出街就洗左，所以佢比左幾款指甲貼紙我揀。

第一次整都有好多瑕疵，可能第一次都花左好多時間，但出來成品都滿意。

曲奇脆脆 (內附食譜)

我鑽研緊一個用料和製作都好簡單既曲奇食譜，想整鬆既就整左脆，但都好味，我就覺得甜左啲，老公就緊係話唔係喇！因為佢食曲奇食得好甜既。

曲奇脆脆

材料：

低筋麵粉        100克

糖粉            30克

無鹽牛油        50克

做法：

1.  無鹽牛油室溫放軟。

2.  牛油加糖粉用電動打蛋器打至淡黃色。

3.  加入過篩低筋麵粉用電動打蛋器打勻。

4.  用180度焗20分鐘至上色。

新年前大食會

仲有幾日新年，今年新年肥阿哥一家會去旅行，所以就今日提早慶祝新年。

今次又係全部由我煮理，唯獨是桂花糕係買回來的。

上次大食會肥阿哥個對孖仔，細孖要食白飯，

所以今次專登整個炒飯，仲加左小朋友鍾意既粟米。

之前出去學〝韓國菜@ilovekitchen〞，教既係韓式炸雞係辣味，

我今日整多個檸檬味，啱啲唔食辣既人。

韓式炸雞

上次係〝韓國菜@ilovekitchen〞學左韓式辣雞，今日係娘家整左~好味。

我整多個檸檬汁，等唔食辣既都可以試下。

茄汁肉丸 (內附食譜)

我冇用蕃茄醬，因為買一盎都用唔晒，轉用新鮮蓄茄加少少茄膏，所以我post原食譜出來，始終用蕃茄醬方便啲。

我一個人煮幾樣野，所以個汁煮燶左少少，不過都好味。

茄汁肉丸

數量/份量	4 人份
準備時間	5 分鐘
難度	簡單

材料：

豬絞肉                                  300公克

義式蕃茄醬                  200公克

蒜碎                                         1匙

九層塔葉                         少許

鹽巴                                          少許

黑胡椒碎                            少許

高湯                                          100CC

準備

1.          豬絞肉放入容器中加入蒜碎、鹽巴、黑胡椒碎後拌勻略摔出黏稠狀。

2.          熱油鍋至溫熱，將做法1捏成圓型狀後放入炸至金黃至熟撈起濾乾。

3.          另一炒鍋加入義式蕃茄醬與高湯拌勻煮至沸，將做法3倒入扮勻並以溫火燉煮。

4.          將做法3盛入盤中，再將九層塔葉洗淨切絲灑上即可。