Gemini GOG35S

成日想換個大啲既焗爐，由於搬屋時訂造櫃，專登造個位擺焗爐，所以換焗爐尺寸都有限制。

我舊焗爐容量得18L，而且冇得分開上下分熱線，亦都冇對流風，都唔係問題，但問題係焗爐太細，整時間唔耐，但焗就耐，因為要分開幾轉焗，太花時了。

近排再上網搵下，比我搵到〝Gemini GOG35S〞尺寸可以擺得落，仲要容量35L大差不多一倍，價錢又唔貴。

老公開綠燈肯比我換，所以好積極搵，但係好多地方都冇得賣，打埋去總代理暫話時缺貨，最後係網上日本城有貨。

今日去街時收到日本城來電，話個焗爐到左，回家時去取貨，好在老公係到，因為都好重，其實，網上購物過$500就可以送貨，但我要返工費時約，所以直接落舖拎。

我個舊焗爐就搬去阿媽到，有左焗爐可以整多啲款式野食。