觀塘海賓公園有個嘉年華活動，雖係熱氣迫人，但都冇損我帶小王子出街。
宣傳話嘉年華下午一點開始，約一點到會場，工作人員居然話而家for VIP，public要3點先開始，心情真係一沉。
再問多句行入去睇下，另一個人話呢到係報左名參加，攤位遊戲就係前面可以玩。
一直向前行，差不多行到盡頭先到，已經有好多人排隊玩緊。
走去counter拎遊戲卷。
我立即去排隊玩攀爬，老公就去排另一個，小王子爬到一半驚唔爬，咁我叫佢落返嚟！
係下面彈床跳左2下就要離場。
嚟左一陣小王子頭髮都熱到濕晒。
哥哥教佢控制撈波波。
食爆谷啫，做咩七情上面。
因為太多人，所以分開去排隊，到就叫小王子過來。
小王子成日問自己有冇信，今日見到有得寄即刻叫佢整，雖然係慢信要3個月後先寄出，到時收到等佢開心下。
天氣真係好熱，我地儲夠印仔換想要既野就走人。
問左人把紅色扇係邊到拎，我去到counter已經派晒，工作人員比佢用緊果把我，所以我地都回敬一把手動扇，另外個防水袋係用coupon換的。
行返出去望下錶都3點，回家先食野又晏，見到對面有間茶餐廳就入去食。
老公既餐，個包係丹好香牛油味，沙嗲牛肉好香。
我既炸脾薯角：隻脾大又香，而且有用香葉醃。
味道好，價錢唔貴，茶餐平均$3X，叫汽水，仲係成罐上
小王子要同雞脾影相，佢笑到眼都唔見，佢話要再嚟！
叫佢開眼，佢就登大眼。
叫仍笑又瞇晒眼，激死。
走既時候發現，收銀處擺放左新款凍餅，而外面就有麵包墳，麵包又大又唔貴。
