啫喱糖@改良版

我逢星期日都會回娘家吃晚餐，有時氹小朋友食飯或者食快啲，都會話食完去買雪糕或雪條，但食得多都唔健康，所以今日就整左啫喱糖，食譜係facebook既整野食group到搵到的。

我脫模時整爛左3隻，就送左比小王子食，佢仲想食，要留明天大家一齊食，我估唔到好受歡迎，好快就食晒，不過，我都留左5隻係家中雪櫃。

這個食譜可以做左約20粒，我個啲模都比較大的。

啫喱糖@改良版

材料：

啫喱粉                   1盒

魚膠粉                   20克

粟膠                       10克

熱水                       300克

做法：

1.          先將啫喱粉、魚膠粉、粟膠放入碗，加熱水，再座熱水，慢慢攪勻。

2.          見到全部材料溶晒，待暖倒入模，放入雪櫃2個鐘，脫模就食得。

貼士：

l   脫模唔可以心急同太大力，啫喱糖入公仔模，一定要用牙籤戒左邊先，慢慢抆大，糖就會同模分離，公仔模要揀軟身模。