芝麻卷 Black Sesame Seed Rolls (內附食譜)

芝麻卷係我小時候去酒樓必叫之一，有啲人會卷返開來吃，而我就直接成條食。

我一直好懷念這款點心，但而家都唔見酒樓有了。

有一日我無聊睇食譜書，在書中搵到這食譜。

今日有時間就的起心整，一直好期待。

我試左食，不過係切出來的頭頭尾尾，而且未雪凍。

覺得1與以前酒樓還有點距離，唔夠Q彈。

顏色都差一點點，此終我用黑芝麻粉，本身黑芝麻粉都唔夠黑。

我有盎好香既黑芝麻醬，等我用它來研究一下先。

現在放左雪櫃，明天拿回娘家一齊再試。

製作過程：

• 我用左現成的黑芝麻粉來做。
• 我的長方盤是約15cm X 22cm。
• 步驟〝2〞，我已經用最疏的來過篩，但芝麻漿都過唔到，最後放棄唔過篩。
• 有左步驟〝2〞的經驗，所以步驟〝3〞就唔過篩了。
• 步驟〝3〞寫浸片刻，我就浸左5分鐘。
• 蒸完放涼一陣才容易卷。
• 我直接在蒸盤上卷，用刮板界4邊，然後在短其中一邊剷起，用雙手卷。
• 我成條卷起，待卷好晒先切一半。
• 將頭尾切去，見唔到卷紋，因為我卷得實，於是我再卷返開做一塊再卷，然後鬆手啲再卷。

芝麻卷 Black Sesame Seed Rolls

食譜來自：香港特色小吃

材料：10件

粘米粉                       50克

馬蹄粉                       50克

澄麵粉                       10克

清水                           500毫升

黑芝麻                       80克

冰糖                           75克

麻油                           1茶匙

做法：

1.         粘米粉、馬蹄粉及澄麵粉拌勻，置深碗內候用。

2.         黑芝麻洗淨吹乾，用白鑊炒香，加250毫升，置攪拌機內，打成芝麻漿，過濾隔去渣候用。

3.         冰糖用250毫升水煮成糖水，攤凍，與芝麻漿一同加入粉料內，拌勻，浸片刻，隔篩過濾，加入麻油。

4.         長方形蒸盤 (約14X20厘米)掃油，平放蒸架上成水平線，蒸鑊內燒水至滾，注入炒料至填滿蒸盤 (約4毫米厚)，大火蒸4分鐘，揭蓋，待冷片刻。

5.         砧板上塗油少許，小心尿出凝固了的芝麻片，打直切成2長條，各前推捲成芝麻卷。每底可做2件；重覆直至完成餘下的芝麻粉漿為止，共5底，做成10件芝麻卷，雪凍，隨時上碟。

心得：

l   若使用現成磨碎的熟芝麻粉代替生的黑芝麻，可用200毫升的水將100克的芝麻粉混和過濾後，作粉漿使用。但自磨芝麻漿的成品會較香。

l   蒸盤每次使用前要清潔乾淨及重新塗油。