上年11月老豆開始入醫院,之後出出入入,到12月入左就冇再出院了,
我每個星期日都會去探佢,阿媽就日日去。
今年2月去左心臟科ICU,排到做手術,
但其間老豆氣喘,所以被迫中止,之後情況越來越差。
3月12日
夜晚10點幾收到阿媽電話,老豆情況轉差我地要全部去晒醫院,立即飛的去。
老豆冇乜意識,又反晒眼,醫護人員都以為唔得,最後都撐過來。
3月13日
早上約11點收到姑娘電話,老豆又轉差最好全部到醫院,我和老公各自回家,
然後接小王子再去醫院,因為我地住得遠,若有事老豆都可以見到小至子,最後都係冇事。
4月8日
星期六係老豆舊歷生日,阿媽怕老豆捱唔到,所以提早今日大家去醫院慶祝。
老豆都冇精神,意識好似好迷糊咁。
4月9日
早上阿媽又話老豆情況轉差去緊醫院,去到又好啲,
肥阿哥lunch時去過醫院,下午3點有會開走了,
老豆係4點幾走了,肥仔上去見老豆最後一面。
5月2日
這2款都係之前老豆住院時我整過的,而〝 莎利蛋糕〞老豆仲成條食晒。
阿媽話出面買既蛋糕太乾你食 不到,食就會濁喉咳,阿媽話我整既濕潤。
今天能為你做的只有這麼多,不用掛心我地了,安心的走, 我地會照顧阿媽。
尋日專登再整比你,我的心意希望你收到。
5月3日
今早自家製〝蔥花蝦米腸〞,老豆這是最後能為你做的。今日送你上山 ,你安心走。
沒有留言:
發佈留言