腸粉@甜師奶 (內附食譜)

之前係逢星期日就回娘家吃飯，而家小王子星期日要返興趣班，所以改左星期六返。

原本得我一家三口和阿媽食，就簡單點，煲粥和整腸粉。

後來細老一家都一齊食，阿哥公司食飯，佢一家就不回來。

我問阿媽上次〝蔥花蝦米腸〞好食定今次好食？阿媽即讚，話今次好食過上次。

一個份量整到幾多？我個盤：22.5 x 5.5cm，一個份量整到14條，咁緊係仲要睇下整薄定厚。

我整左2倍份量，都全清~正。

腸粉@甜師奶

食譜來自：https://www.youtube.com/watch?v=AEVa9eUXB-Q

材料：(盤長22cm寬19cm，約8條)

粘米粉                 100克

木薯粉                 15克

澄麵粉                 10克

油                           5克

鹽                           1克

水                           350克

做法：

1.       粘米粉、木薯粉；澄麵粉加入鹽，攪拌勻。

2.       加入水攪拌至無粉粒，過篩。

3.       加入油攪拌均勻。(油浮面是正常的)

4.       盤掃上油，倒粉漿前一定要攪拌一下。

5.       倒入粉漿，搖一搖，如果粉漿太多，可以倒走。

6.       水滾落，大火蒸大約2分鐘， 粉漿熟會脹起的。

7.       2分鐘後取出，趁熱用刮刀捲起。

貼士：

·         每次盤都要掃油，每次倒粉漿前都要攪拌一下。

·         做薄，口感才會好食。

·         粉漿太厚，會影響口感。

開花@一串紅

今年一人一人種一串紅，我見有開花，但花好似好弱咁。

我就問同事拎左花泥和肥料回家，整下盤花先。

整好先比小王子拎返學校。

點知過幾日由學校拎返來，夜晚去老爺到湊小王子時，盤花變左爛茶渣咁。

果一刻我真係好傷心，點解會咁架！

我決定今日家長日問下老師咩事。

我比前後照比老師睇，老師話派回既時候都冇事架！

咁即係小王子自己辣手催花，真係激死我。

Bruno

Bruno多功能電熱鍋一出已經想買，但老公唔批准，因為N年前買左個光波爐，用左幾次就冇用。

之前見到維他攪抽獎，買牛奶、朱古力奶和山水產品滿$20就可以參加，獎品係Bruno多功能電熱鍋。

我就買左一支鮮奶去博一博，點知比我抽到，真係開心到癲左。

我諗住用呢個教小王子整野食，等佢玩下。

第一露@2019

多年前朋友們露營整過Pizza，可惜果次我冇去，成日都心思思想露營整麵包、Pizza等等。

今次終於比我等到了，我就整Pizza，而另一個朋友就整麵包。

這個爐係朋友整，佢話已經整過好多個了。

我地分左2批朋友入營，有啲去3日2夜，而我就去2日1夜，早入既朋友就一早整麵包。

我既Pizza都可以入爐喇！

因為冇面火，所以唔上色，但個底就脆。

晚餐就食韓燒+BBQ

尋日就熱到要昔著短袖，今日凍到要著外套，其實尋晚姐十點幾已姐經起風。

我既早餐，lunch就食杯麵，跟住hea多陣就走人了。

雞蛋卷 (內附食譜)

尋日老公要返工，加上我自己又唔舒服，所以決定唔出街。

早上陪小王子回校參加活動，然後就回家休息。

傍晚時就開工整爆谷，之前應承左小王子好耐一直冇整，就找數喇！

可惜煮焦糖失敗左，再煮多次都係唔成功，但比第一次好~冇咁苦，所以掉左2盤爆谷。

爆谷失敗轉戰之前挑戰2次都失敗~蛋卷。

今次係You-tube搵到〝張媽媽〞既食譜覺得唔錯~就試下，果然成功。

小王子：試食左一條後讚~good，一直等製成品面世，結果食左6條。

醃尖老公：唔夠甜，一般。

我：覺得甜度OK，係可以甜啲，但食太甜唔健康。

尋日整到好夜，只係試食左少少，一共整左44條，今朝再食都仲脆脆地。

大家可以去You-tube搵〝張媽媽〞，佢仲有好多食識，而且講解清楚。

我用最小火整，但時間會比較用多左唔止5秒，每次打開睇，夠色就起。

我用過中火、中小火的中間火，係快啲，但難控制顏色，易燶。

雞蛋卷

食譜來自：https://www.youtube.com/watch?v=4Ix7VEnwbNA

 材料：

無鹽牛油                   120克

低筋麵粉                   110克

吉士粉                       10克

食用梳打粉               1/4茶匙

蛋                               3隻(約150克)

砂糖                           90克

黑芝麻                       適量

原味做法：

1.      篩好麵粉、吉士粉、食用梳打粉。

2.      用低速攪拌牛油和砂糖，打5分鐘令牛油鬆起來，變淡黃色。

3.      下一隻蛋，完全混合後才放另一隻蛋，完全混合後再放最後一隻蛋。(這樣令3隻完全混合所有材料)

4.      一邊用低速攪拌，一邊下粉，混合好了。

5.      用小火燒熱蛋卷夾及抺上生油，另一邊也是。

6.      燒熱兩面，灑上食水，有水珠便知道夠熱做蛋卷了。

7.      用小火，下半茶匙蛋漿，輕輕放下蛋卷夾，等4秒才輕輕壓下蛋卷夾。

8.      5秒後反轉另外一面，燒5秒，打開。(若還未熟蛋漿會黏著)

9.      將蛋皮光在木棍上，最後輕輕壓下2秒固定，待涼。

芝麻做法：

1.      處理芝麻，清洗後瀝乾，用鑊烘乾。

2.      芝麻會漲起來，變得乾爽。

3.      烘乾的芝麻放入蛋漿，攪勻。

4.      其他步驟與原味一樣。