泡菜炒豬腩肉 (內附食譜)

今日娘家做節，我負責煮幾味，就整左之前整過大家都話好食既〝泡菜炒豬腩肉〞。

上次冇寫到食譜，就係今次補上。

泡菜炒豬腩肉

材料：(4-6人份量)

豬腩肉                1.2磅

泡菜                    400克 (一盎細)

洋蔥                    113.9克 (中型半個)

甘筍                    93克

青蔥                    1棵 (有4條)

蒜頭                    2瓣

水                        4湯匙

糖                        1茶匙 (可以不加)
老抽                    少許

茨汁：

水                        適量

生粉                    適量

做法：

1.          洋蔥、甘筍切絲。

2.          蒜頭拍扁。

3.          豬腩肉逐片分開。

4.          下油，炒香洋蔥，盛起。

5.          下甘筍加水炒至軟身，盛起。

6.          下少少油爆香蒜頭，加入豬腩肉。

7.          豬腩肉炒至半熟落甘筍，炒至8成熟落洋蔥、泡菜。

8.          落糖、老抽炒勻，豬肉片全熟落青蔥炒，再加生粉水，即成。