今日係小王子正日生日，但晚上就發生左件麻煩事。
我計劃坐船去澳門，經港珠澳大橋走，可惜預測不似預期~出事了，明天仲要返工添！
晚上酒店穿梭巴士去到氹仔，再轉穿梭巴士到港珠澳大橋。
我地晚上9點鬆到達，但人龍之多，我目測應該搭唔到11點尾班車。
我走去其他酒店穿梭巴士問邊架可以過去澳門半島，有個阿姐指點後，就上車。
過到去就搭的士去港珠澳大橋，老公聽到的士司機信息對話就多口問，原來而家港珠澳大橋都要塞一個鐘先入到去，立即叫司機調頭去外港碼頭。
我地9點半去到碼頭已經買緊11點半船飛，過左關都去排後補，最終都係搭返原先班船，落船後再call 車返屋企。
********************************************************************************
由於可以2點先check-out，頭先自己早起身就落酒店商場行下發現Lady M，所以早餐都未食就食甜品先。
百爵奶茶蛋糕：好好食，好香茶味。
綠茶千層蛋糕：我覺得甜左少少，小王子差不多一個人食晒。
食完就開始去玩，第一站係酒店全穿梭巴士去永行皇宮。
永利皇宮
地址：澳門體育館大馬路MO Avenida Da Nave Desportiva Cotai
營業時間：1100 - 0000 (Mon-Fri)、1000 - 0000 (Sat-Sun)
備註：免費坐吊車
原本係尋晚坐，但小王子掛住返酒店玩ipad，所以改今朝坐。
以前係碼頭派飛，而窕直接去酒店排隊就可以免費坐，但只可以坐半個圈，不過住客就可以坐一個圈。
小王子好鍾意坐，仲話要坐多一次，因時間唔夠，應承左佢今晚先再坐。
我地將行李寄存係〝永行皇宮〞，就算唔係到住都可以寄存行李，是免費的。
我地坐車出官也街搵食，永利皇宮最細果架小巴就對。
波爾圖葡國餐 Est. de Comida Portuguesa "Porto
地址：澳門氹仔舊城區地堡街泉福新村第1期第4座嘉開閣地下
營業時間：1100 - 2230
來到澳門緊係要食餐葡國菜，我去到full house，店員立即打去分店問有冇位，轉頭就有分店店員帶我地過去，所以我寫的地址係總店，而相就係分店門面，其實分店行過2個舖位就係〝莫義記〞。
馬介休薯仔球：小王子讚，食左2粒，確實係好食，香脆唔膩，之前係澳門食過一碟既，但有魚骨，所以都唔感再試，今次印象~好。
葡國麵包雞,狠1好味，如果個汁再多啲就好，我都食左半個包。
有專人幫忙將個包拆件。
肉醬意粉：小王子點的，但食左少少。係好食，但份量太多食唔晒，仲要餐廳冷氣好凍，但到走既時候都仲暖暖地。
葡式牛柳：肉嫩多汁。
幾年前有同事推介〝晃記餅家〞，話啲野好食，所以今次來就幫襯下，天氣熱見到排晒長龍，貼心老公叫我帶小王子行下，佢自己排隊。
晃記餅家
營業時間：1000 - 2100
地址：澳門氹仔官也街14號A
網路推介：雞仔餅、肉切酥、杏仁餅、鮑魚酥
來之前同事已order一條肉切酥，我怕會運送時會爛，買左3條肉切酥和2條鮑魚酥，都可以各自一個盒。
你買之前要諗定買咩，因為到你既時候太多人，你都唔好意思左諗右諗。
晃記隻貓過左對面舖，小王子立即舉機。
買左食得既，而家去睇唔食得既，係得小王子一個有收穫。
我係Facebook messenger問過新濠影滙邊到有車去酒店，回覆係官也街地堡街入口，我搵左好耐都冇唔到，天氣又熱，真係想死。
行左成條街都唔見，我地就行返去頭先落車既地方碰下運氣，點知真係呢到，個站右邊係望到鏡湖醫院氹仔醫療中心，而左邊係個亭。
蝙蝠俠夜神飛馳
地址：新濠影滙西翼二樓
營業時間：1200 - 2000 (星期一至五)、1100 - 2100 (星期六日假期)
備註：$150 (成人)、$120 (小童) 100cm - 140cm須由18歲以上人成人陪同
我係網上訂飛前都問過小王子睇唔睇〝蝙蝠俠夜神飛馳〞4D，亦都解釋過，又比過宣傳片佢睇都話睇，點知去到就‧‧‧‧‧‧‧‧‧‧‧‧。
等左好耐先入得場，仲成日問幾時入得，入到去起初都冇野，過左一陣就要抱，仲話好驚要走，我訂既係廣東話，入到去係英文版。
雖然每人一張櫈，我同老公都拖實小王子，我仲同佢頭貼頭，睇完小王子話佢腳都震埋，下次都唔要睇。
為了補償小王子就准佢扭一個蛋，換左零，入左一個之後果啲又食唔到，邊入錢邊回吐，問店員佢話係咁，平時教啲客不停入就可以，店員邊講邊用key打開部機。
我好有禮貌問店員，其實可唔可以比隻伊貝我？
一睇就知成功左，店員好Nice，當然我地都有付款喇！
頭先食得好飽，啲野都食唔晒，以為唔駛食晚餐，點知老公話要出官也街開餐~係遵命。
天氣熱去莫義記買野飲先，楊枝金露太甜，而椰汁西米露好似水咁，下次都唔幫襯。
莫義記
營業時間：0700 - 2300
地址：澳門氹仔官也街9號A舖
黃枝記
營業時間：1130 - 2100
地址：
澳門官也街21號
蝦子撈麵：正，麵爽彈，個湯都好好味~濃郁。
水餃麵：水餃好爽，湯都好飲，係清湯。
今朝應承左小王子，而家要找數了，佢坐得好開心。
幾經波折可以坐船返香港了。
