綠茶戚風蛋糕@小王子生日蛋糕

上年K1時，小王子已經要求我整綠茶蛋糕，但我話唔係人人都鐘意架啵！所以整左〝全蛋海绵蛋糕@8吋〞。

今年K2學校既生日蛋糕要我整炸彈人，仲要話綠色炸彈人，我就立即諗到用綠茶蛋糕，再用朱古力整對眼和眉整，就會變綠色炸彈人，旁邊就加炸彈人裝飾。

炸彈人有諗過用糖皮整，但又keep唔返啲公仔，最後用左輕黏土，小王子一歲生日蛋糕〝綠茶慕絲蛋糕@輕黏士裝飾〞啲輕黏士公仔仲keep到而家。

蛋糕整左〝綠茶戚風蛋糕〞，但係用左唔係平時用開既朱古力，結果蛋糕冇左對眼和眉，咁就冇左綠色炸彈人。

我6月初開始每日lunch係公司整炸彈人，因為拎回家整小王子一定會攪攪震。

蛋糕中間我加左M&M，當切開時就會流出來，希望小朋友見到會鍾意喇！