大樹先生的家@銅鑼灣

上星期老公已送了生日禮物比我，係一部相機，雖不是最新型號，但已經夠用了。

今日雖是我的生日，亦是小王子去覆診睇牙醫的日子，今日要去2個地方睇醫生，好在同一棟大廈中。

其實，都諗左好耐去港島區、九龍區食好呢？又搵下2區有咩親子餐廳，最後因港島區覆診，所以揀左銅鑼灣既〝大樹先生的家〞，又可係Openrice訂位超方便。

荔枝角〝大樹先生的家〞剛開業的時候都去過，感覺一般，玩具有點舊，但銅鑼灣分店玩具新，而且食物質素好，但食物價錢不算便宜。

我地6點鬆啲就上到去，但開18:30，由於我上午返工、小王子要返學，而老公就放假，約左係油塘等，大家都冇時間食lunch，每人邊行邊食個包，所以我而家好肚餓，老公話落去食啲野，我見就夠鐘唔落，但緊持左10分鐘都係落去，因為餓到我標汗。

我玩果場係晚上6:30開始，last order 20:00，但可以玩到21:00。

大樹先生的家

營業時間：12:30 - 15:00、15:30 - 18:00、18:30 - 21:00

電話：36190633

地址：銅鑼灣告士打道311號皇室堡15樓1501-1505號舖 

備註：每場30分鐘清潔時間、要著襪 

而家仲未開門，仲係清潔中，所以得我地一家三口，係到等開門。

波波池、海棉池

係海棉池邊，個漢堡包我估係影相用，所以冇行過去睇下。

有女孩子和男孩子的玩具

這是0-24個月的專區

酥炸薯條 ($58)：薯條炸得脆，凍左都唔會淋，冇乜特別。

日式芝士味炸蝦丸 ($82)：食到芝士，但蝦味唔夠，不過，都好好食，老公讚。

意式茄蓉雜菜意大利粉 ($158)：老公讚，味道適中。

氹左小王子一陣先肯去呢個水池釣魚、撈波。

一玩就愛上，但唔知點解冇人去玩。

最後以波波池作結尾。

頭先已叫小王子去Cosplay，但佢都唔去，走既時候見到有小朋友換衫又話要，唯有下次先，因為早點走，玩到夠鐘先走就會多人。