樣衰脆曲奇 (內附食譜)

今日趁焗緊〝日式抹茶餐包〞既時候，我又整曲奇。

這個曲奇食譜係我之前寫，但一直的唔起心去動手，近排烘焙糰火又出返來，就順手試下。

我個人比較心急，所以這個食譜係用凍牛油，將所有野撈埋就得，麵糰又不用雪。

蛋用一隻就可以，蛋幾重唔緊要總之一隻普通蛋就可以，因為普通蛋有大有細，但重量都不會差太遠。

雖然我咁講，都知大家想知蛋幾重，今次隻蛋淨重58克。

我個食譜原本係有提子的，但問左小王子話唔要加，所以就冇加到，齋曲奇。

這個食譜係要戴手套的，因為麵糰太黏手好難造型，唔戴手套都可以用食物處理器攪麵糰。

你地可以搓完麵糰可以用唧袋，但我懶徙手就算。

這款曲不會塌，所以不要整得太厚。

我起初第一盤，因太厚15分鐘出爐中間未熟透，表面都唔夠顏色，後來再加多幾分鐘。

第二盤整薄啲用15分鐘就可以，隔左幾日食都好味㗎！

樣衰脆曲奇

材料：

無鹽牛油 (冰凍、切粒)     100克

低筋麵粉 (過篩)                 200克

蛋 (打散)                             1隻 

糖粉                                     60克

做法：

1.       無鹽牛油、低筋麵粉、糖粉加入兜中用手搓勻。

2.       加分次入蛋，然後用手搓勻。

3.       平均分配，然後取少少放入烘焙紙上，輕輕壓扁。

4.       用180度焗15分鐘。